You are here

婆媳大戰 7個應對好方法

0 SHARES

仲有2、3 星期便是母親節,大家都會好尊重同愛護自己的媽媽,但對於另一半的媽媽,尤其是係奶奶,就真係唔好講到「鍚」唔「鍚」,唔「討厭」大家都偷笑!前幾日就有香港新抱開FB專頁,細訴與奶奶同住的悲哀,而且仲有千人支持。另外「我的極品四大長老」FB專頁,也是分享老爺奶奶外父外母的關係,已經有一萬三千人支持。其實自古以來婆媳關係就係一對夫妻,也是一個家庭的重大考驗!

小編都係為人媳婦,都好明白當中感受,不如我哋就嚟分析下問題所在。

為第一印象加分!8種方法增加異性好感度

為第一印象加分!8種方法增加異性好感度

為第一印象加分!8種方法增加異性好感度

冷戰時12星座是否真的想分手?

1. 住屋

好多人認為香港居住問題,就係引發婆媳問題的關鍵所在。由於冇錢買樓分開住,好多年輕夫妻都要被迫跟老爺奶奶一起住,又或者因為單親長大,老公唔想同媽媽分開住,結果可能三百多尺就要迫住幾個人,大家又冇自己的生活空間,所以磨擦特別多。

解決方法:

當然唔同住係其中一個最折衷既解決方法,不過我知當然有點廢話,如果搬到就一早搬咗啦!不過如果只因為老公是單親長大唔想同阿媽分開,可以提議住附近;如果是冇錢買樓或租樓貴的問題,不如倒轉叫老公返娘家住,一來等老公感受一下做「外人」既感受,二來一般男人同外母相處冇女人同奶奶問題咁大,如果娘家許可,不妨試試。

2. 性格

這也是雙方的問題,奶奶與新抱本來就不同人,不一定只是奶奶麻煩,同樣有麻煩及個性差的新抱,能否夾得埋,真係好視乎你遇著個點樣性格的人、容唔容易相處的人。性格唔好相處的人,無論當人新抱定日後有機會做人奶奶,一樣有難相處。同中六合彩一樣,真係要睇彩數。

解決方法:

性格真係好難改,尤其是係年紀越大更難。身為媳婦,話晒後生啲,應該通情達理一點,除了「退一步海闊天空」外,嘗試當「奶奶」係自己媽媽或婆婆,對佢好啲,或當佢「耳邊風」,應咗就算,當然態度要扮誠懇,之後最多同朋友傾訴下發洩下,一定可以改善關係。

為第一印象加分!8種方法增加異性好感度

為第一印象加分!8種方法增加異性好感度

為第一印象加分!8種方法增加異性好感度

冷戰時12星座是否真的想分手?

3. 老公態度

另一半的態度好重要,究竟佢會幫奶奶講說話多啲,定會企係老婆果邊?如果佢係裙腳仔,從小到大都聽阿媽話,呢啲性格既男人如果遇到老婆同阿媽有吵架,多數唔多出聲,甚至幫住阿媽。如果只幫住老婆,唔夠公正既老公,又多數唔多孝順。其實做人老公就公正一點,睇清楚事實真相,兩邊都要用理性同佢哋分析,唔好偏幫就最好喇!(不過事實係,講唔講都死梗,因為人本身就只會睇自己立場,覺得自己啱,尤其是係女人,所以老實講,企係中間立場既男人只有「死」路一條。)

解決方法:

換咗個老公!哈哈,雖然係講笑,不過真係最直接了當的解決方法!有時候奶奶難頂,個男人都好大責任,新抱唔應該出面同奶奶嘈,身為男人應該在要出面的時候講句公道話,阿媽通常都聽阿仔講,問題自然會減低。個男人只一味逃避,只會令問題惡化。所以老婆是應該要好好同老公講清楚,只要涉及婆媳糾紛,一定要佢挺身而出!

 

4. 錢銀問題

金錢方面,亦係導致婆媳問題的導火線之一。老實,如果奶奶唔多斤斤計較,也不用阿仔負擔生活,甚至會出錢俾阿仔同新抱果個,你估婆媳關係會唔會減少?又或者如果個老婆唔多計較,經常自己送零用錢、買禮物送俾奶奶,又請佢食飯飲茶,你估新抱同奶奶的關係會唔會咁薑?

解決方法:

你可以話有錢駛得鬼推磨,或者應該講係雙方都「大方」啲,自然好溝通!有時候用錢或禮物去氹下人,尤其是各大節日,個新抱識做啲,奶奶都會寬容啲。不過如果你係咩都靠老公既女人,又冇收入又冇地位,呢個方法可能唔多work。

 

5.立場

奶奶會覺得新抱搶走咗個仔,亦有新抱抱怨奶奶霸住個仔,兩方面都希望個老公/阿仔聽晒自己話。當立場係對立,自然就會起衝突。呢個係「佔有慾」的問題,難搞!

解決方法:

你要令個奶奶覺得你唔係搶走佢個仔,而係多咗個女!雖然好難做到,但如果做得到,真係好好多!你睇昆凌點解咁得周董喜愛?因為昆凌好識氹奶奶,奶奶當佢係女咁,做老公既就會更鍚個老婆!

為第一印象加分!8種方法增加異性好感度

為第一印象加分!8種方法增加異性好感度

為第一印象加分!8種方法增加異性好感度

冷戰時12星座是否真的想分手?

 6.時代不同

點解同奶奶相處唔到?因為佢唔多注重衛生?因為佢好縱個孫?其實就係因為有代溝囉!時代唔同,我哋受既教育唔同,生活經歷不同,各種因素會導致差異,要免強個地球人上太空住,真係好難,要個火星人落返地球,又唔多可能。淨係教個老人家上網shopping都難啦!點可能改到先?

解決方法:

   真係要多遷就,多欣賞老人家有的經驗,又嘗試叫老人家又努力接受下新思維囉。我有個朋友結婚,佢奶奶係福建人,好霸氣,婚宴當晚奶奶當自己係主角,全晚霸住影相,全程企在台上,但我朋友完全就晒佢,仲唔覺得有問題,呢啲咪識做囉!所以佢哋一齊住也沒有問題出現過。要跟奶奶好好相處,一定要接受埋奶奶的生活習慣,家鄉背景,性格態度,因為老人家在不同既年代長大,已經有自己一套生活模式,做後生既唯有諗,自己都有老既一日!

 

7. 階級

有錢人與冇錢人,有學識與無學識的人,係唔會影響愛情,但卻是婆媳之間的另一問題。只要其中一方與另一方的身分懸殊,就好容易出現「睇唔起」對方,或睇對方「唔順眼」的情況。當然有學識有教養的人,理應就唔會有呢啲階級觀念,但始終身份地位財力相差太遠,就算人哋有狗眼看人低,自己都可能自尊容易受傷害,因為背後還有對方的一大班「家族」。

解決方法:

一向都話最好搵個同自己咁高咁大,背景差唔多既人結婚,門當戶對應該係最匹配的。如果老公家好有錢,女人又覺得嫁個有錢人好重要,那麼「食得鹹魚抵得渴」,唯有卑躬屈膝啦!記住「錢」與「高生活素質」可以彌補你的「屈辱」,可能心裡會好過一點!如果係你自己有錢,咁要提醒自己唔好睇唔起人,這是最基本的「禮貌」,老實如果你睇唔係老公的家人,其實等於睇唔起自己老公。

 

總括:

其實同任何人相處都係一個大學問!無論果個係奶奶、老公、姑嫂、定親友!多點「笑臉迎人」,甚麼事都「一笑置之」,當「奶奶」係你老闆,就算佢幾咁無理、橫蠻、要求多,你用對老闆既態度對佢,一定好好多。而且我相信世上也有不少講道理的好奶奶,不妨嘗試愛屋及烏,或做到相敬如賓也不錯!

 

為第一印象加分!8種方法增加異性好感度

為第一印象加分!8種方法增加異性好感度

為第一印象加分!8種方法增加異性好感度

冷戰時12星座是否真的想分手?

Read More