You are here

Expert
Senior Brand Manager

Andy Warhol x SUPER

18th Aug, 2015

踏入八月份,酷熱天氣警告日日生效,每日都超過三十度,身邊有小朋友既朋友亦陸陸續續出發去旅行,放暑假,令我真正感受到炎夏嘅來臨。但係做這行業嘅我,係旺季既時候想去遊埠簡直係妄想,唯有埋頭苦幹,寄情工作啦!

當然,都要搵個平衡嘅!既然「留港」,最簡單快速的減壓方式都應該係「消費」,不過,當你望減價貨望到悶,冬天衫又覺得時機未到既時候,我發現最好都係買飾物 — 首選一定係太陽眼鏡啦,再加上時至今日太陽眼鏡已經係一年365日襯衫以備嘅潮物,又試問有邊件飾物你會帶超過十年或者廿年以上(結婚或求婚戒指除外)而之後攞番出黎你都會覺得靚嘅呢?

最近行過VISUAL CULTURE 就俾我搵到啦!冇錯,就係SUPER和Andy Warhol Foundation 合作既第二代聯乘系列!一共四副嘅太陽眼鏡參照Pop Art 大師Andy Warhol  於五十年代為報刊就當代女性的太陽眼鏡繪圖,加上SUPER團隊對潮流的觸角和專業技術及選材,令散發著懷舊的藍本變得時尚具未來感,彰顯Andy Warhol的藝術功架,並同時把Andy Warhol對流行藝術的追求演繹得淋漓盡至!仲要全港只係得2套,收藏價值咁高,唔理戴得好唔好睇,梗係買返屋企先算啦﹗