You are here

Expert
星級料理達人及美食家

沖縄県読谷村

4th Feb, 2016

似乎香港人近年十分喜歡去沖繩旅行。當然因為佢有陽光海灘,全年平均氣溫有20度以上,真係好舒服嘅。而且當地混合咗琉球文化及日本文化,亦有歐美色彩,俾人好輕鬆開心嘅感覺呢!

沖繩本島由南向北延伸,那霸市是政府中心,亦是downtown。 由中部向北走有好多Resort,觀光,購物,美食都好多選擇,亦成為近年受歡迎嘅結婚地點呢!

今次想介紹下本島中部地區有個叫“読谷村”。呢條村係日本全國最大嘅村,而且好有power! 首先,認識琉球文化一定唔少得泡盛!係用泰國米加黑麴酵後蒸餾而成嘅酒,已有數百年歷史,通常都30度酒精以上。不過我發掘咗呢條村有間比嘉酒造,佢地會照顧到女仕及初飲者,有出柚子有氣泡盛,亦有泡盛梅酒等,酒精度都較低。其他泡盛亦有些只有25%。好有創意開發新市場。

另一間叫OKIHAM,做火腿及肉加工製品好有水準,佢地公司仲有養殖水魚,開始在香港發展。我試個用沖繩水魚燉湯同紅燒,好夠膠質,肉又軟腍,聽中菜大廚講沖繩水魚比國內水魚更易烹煮,快一半時間可炆腍。

另外,沖繩亦盛產紫薯,有間御菓子御殿就係首間用紫薯做成紫薯撻。仲有紫薯卷蛋糕同芝士蛋糕,係旅客買手信首選。第日去沖繩,不妨留意下読谷村呢!

水魚湯
紫薯甜點
沖繩水魚