You are here

Expert
Digital Executive Editor

眼鏡配妝髮造型教學

9th May, 2017

女人戴眼鏡通常為了遮掩冇化妝的樣子,理所當然地將眼鏡當作素顏的工具。我當然有這經驗,曾幾何時買來4、5副粗框眼鏡,為掩飾素顏又為襯衫。可是每副戴兩次就嫌不舒服而再買另一副。不舒服在於眼鏡本身太重,而我的鼻樑過分地高,加上鼻敏感關係,鼻上架著重東西時,就非常不舒服。

放棄了我的眼鏡造型差不多一年,近日終於搵到適合我的眼鏡框!來自日本的LineArt CHARMANT,眼鏡框採用專利「Ex-鈦」(Excellence Titan) 物料,運用細緻的焊接技術,打造柔靭性高的鏡臂,令整副眼鏡輕巧之餘 (重量約12克) ,又不容易變形。我初時試戴了一整日,它的輕身竟然令我感覺好似冇戴眼鏡咁!

過往我戴眼鏡是因為冇化妝,而呢副新眼鏡的舒適度足以令我少戴contact lens,咁我唔會每日都素顏上陣嘅。其實眼鏡唔單止是素顏的工具,亦可以配搭不同妝容及髮型。

我選擇了玳瑁色鏡框,而鏡臂就綴上兩顆Swarovski水晶,集文青與華麗感覺於一鏡。為配合啡tone玳瑁色,眼瞼只需掃一層淺啡色眼影,然後畫上黑色眼線及掃上黑色睫毛液,令雙眼更有神。留意千祈唔好畫粗黑眼線,亦唔好掃胭脂,否則「娘」爆!

眼鏡look妝容的重點是唇部,今次我選用CHANEL Coco Gloss#764 紫紅色唇彩,唇色效果sharp但又唔誇張。

而髮型方面,無論是中間抑或側分界,都夾呢款眼鏡這型;甚至束起馬尾戴眼鏡,由於鏡框大細適中,可以修飾包包面,正!

 

http://www.charmant.com.hk

淺啡色眼影配黑色眼線及睫毛液
塗sharp唇色增加亮點
玳瑁色鏡框配綴上Swarovski水晶的鏡臂
側分界
束起馬尾
中間分界