You are here

Expert
理大紡織及製衣學系學生

意大利獨有的Pitti Style

29th Aug, 2015

Hi there! 我是時裝設計學生,欣賞時裝手工藝,特別喜歡tailoring。我不喜歡把東西歸類,也不會定義自己為某種風格。我什麼都喜歡,也覺得什麼都應該要試。我不喜歡一成不變,有改變才會進步。

剛剛暑假有幸參加study trip去意大利Florence,行程其中一個重點就係參觀Pitti Immagine Filati。其實呢個係一年兩度的時裝界盛事,而大會每年7月都會舉行國際紗線展。而我覺得重點除了是最新的紗線織法、流行顏色等等之外,另一個重點就係會場周圍的人。

 

會場內雲集來自不同地方、從事與時裝相關工作的型人,包括有商人、買手、bloggers、甚至models。他們表面上為了紗線而來,實際上是為了識人,擴寬人脈!個個都花盡心機打扮。不要以為個個著成套西裝就不用襯,要將不同的鮮豔顏色和圖案在西裝上作配搭,除了要好高技巧外,仲要睇你夠不夠自信著出黎。孖襟西裝外套,9分西褲加上一對皮鞋是非常典型的意大利風格,留意細節,再配合飾物就造出個人風格。

 

你一定以為個個著晒靚衫坐晒係度傾計好享受,但其實外面氣溫最少有38度。為了保持清涼,好多人會穿著Linen,戴闊邊帽,穿無內襯及shoulder pad的西裝外套或選擇鬆身裁剪的衣服,另外秘訣就係:坐著不動。這個social活動的其中一個重點就係影相!大家傾計的時候其實係在擺甫士,因為上鏡就會好好睇。另外,一齊影相的人好可能係唔認識,但走埋一齊就會吸引攝影師影相。如果下次大家有機會來參加Pitti,不仿打扮下,同人影下相,交換穿衣之道,順便認識下時尚名人啦。