有壓力的香港人，Halloween就到了，不如趁機會放鬆一下，盡情地扮鬼扮馬，俾個機會自己玩返晩啦！要投入萬聖節的氣氛中，又點可以唔打扮下？
俾個Idea你！
如果你想入型入格，真係嚇鬼，其實好容易，去專賣 party costume的網店就好容易買得到，今年其實更加流行女俠look，可能因為《Wonder Woman》電影熱潮的關係啦！除了Wonder Woman，仲有Bat Woman、Cat Wowan都可以試下，另外也離不開扮女巫、魔鬼、天使、兔子、魔術師、骷髏頭、公主、女戰士或女海盜……俾啲idea大家啦！
其實女仔的萬聖誕打扮離不開黑色、紅色及白色，尤其是黑色服飾，只要簡單穿上一身黑色服裝，或者黑配一點紅色服飾的配搭，就好有萬聖節feel。又或者可以加入漆皮、貼身褲、tube top等服裝元素，就是一個美艷性感的女鬼了！
整個Halloween party look的神髓，其實就在於飾物。只要加上一件很有節日氣氛的頭飾、帽子、面紗、耳環等等，自然就令個total look更圓滿！
