【紋身 x 時裝】閨蜜GO！teamlab式影相位呃like手作工坊

當上一代人仍以紋身是「公仔佬」、「唔係好人」等意識形態框著紋身之際，這種以身體作畫版的藝術已靜靜走進生活每個角落。由港女熱愛的oppa，到踢世界盃的球星，身上都滿佈紋身充滿意義的紋身。其實紋身又豈會只是江湖中人或「麻甩佬」的專利，設計當然也不再只得左青龍右白虎。

一向著重藝術發展的K11適逢今年開幕10周年，除了裡裡外外全面翻身之外，更舉辦了一系列慶祝活動，其中暑假黃金檔期，K11特別邀請了10位國際級紋身藝術家，與9位來自英國Central Saint Martins的針織時裝設計系學生，聯手炮製《Tattoo x Threads》時裝紋藝展覽，除了一系列紋身作品，還有大膽誇張的針織設計，當然少不了拍照熱點，還有即影即有剪影工作坊，快約定閨蜜或是文青group一起同遊。

紋身是一種藝術
除了以身體作畫布外，今次大會更將10 位國際級紋身大師包括本地薑 Gabe Shum、Akai Wong、Jun Ngai、Keno Lee，遇有來自北京的老道（趙斌）、韓國的 Sajin、日本的林相秀、英國的Bez、西班牙的 Marjung Lama（Maria）及波蘭的 Davee Blows的作品以各種型式呈現出來，由展覽入口隧道兩旁的畫作、地上的圖案、轉角的霓紅燈箱，仲有teamlab式迷幻射燈畀你影相呃like。

另外，K11仲聯同Central Saint Martins嘅9位英國 Central Saint Martins 的針織時裝設計系學生合作，以紋身作品設計咗一系列針織作品，件件都令人大開眼界。

即拍剪影照變金粉art piece
photo booth影得多，今次K11就以呢種即影即有技術，將你嘅頭像變成剪影，只要去K11商場地下中庭就可以免費影。如果想用自己剪影整啲手作仔，只要加少少錢，就可以得到一個surprise box，工作人員會將你嘅剪影制成貼紙，畀你貼上surprise box嘅黑色畫板上，再倒啲金粉落去，就制成一幅充滿藝術氣質嘅畫作喇。