今晚（3月27日）就係一年一度香港體壇奧斯卡「2017年度香港傑出運動員選舉」頒獎典禮喇。截至現時為止，桌球世界一姐「四眼Cue后」吳安儀同「牛下女車神」李慧詩，兩位女運動員嘅票數喺頭10位叮噹馬頭。
仲有香港輪椅劍擊運動員余翠怡，呢3位都係《JESSICA成功女性大獎》嘅歷屆得主，而佢哋嘅票數都好高呀。
其餘傑出女運動員仲有「跳高女神」楊文蔚、「小美人魚」何詩蓓，同埋高爾夫球嘅陳芷澄，咁多個傑作女運動員，你睇好邊一位呢！
頭10位運動員，都有4位男生架，其中而家排名第三同第四嘅，就分別係羽毛球伍家朗同劍擊張家朗。
頒獎典禮將會於今晚假香港會議展覽中心大會堂舉行的晚宴上揭曉，好緊張呀。無論邊個贏，大家喺過去一年的努力，我哋都見到架，多謝你哋為香港體壇爭光。
Text: Goosie Lam
Image: SF&OC 港協暨奧委會, Instagram
