上星期日（3月18日）捱夜見證「四眼Cue 后」吳安儀輕取「火箭」奧蘇利雲的表妹Maria Catalano，第三度登上桌球壇世界一姐地位。前晚（3月27日）再度見證一姐奪得香港傑出運動員，外加星中之星大獎錦上添花，作為小粉絲實在歡喜若狂。而兩日後的今天（3月29日），Cue后上演帽子戲法，一個月內3度得獎，因為《福布斯》剛宣布Cue后入選亞洲區30歲以下名人榜（娛樂及體育組）。
對於一個月來連第3度獲獎，吳安儀表示「真surprise」，因為佢都係從記者口中得知自己得獎。「好開心得到呢個榮譽，最開心係呢份榮譽代表著香港運動員嘅努力，喺國際間開始得到關注。」
安儀喺贏得世界賽後，再次獲得男子世界錦標賽的資格，因為對上兩次參與男子世錦賽表現不如理想，所以今次會再盡全力應付比賽，「接著落嚟我會繼續努力打好每一場比賽㗎！」
同吳安儀一齊入選《福布斯》亞洲區30歲以下名人榜（娛樂及體育組）的，仲有先前迷倒一眾香港女生嘅日本花式溜冰王子羽生結弦、中國籃球運動員周琦，同埋韓國高球美少女朴成炫、俯式冰橇運動員尹誠彬等等。
Text: Goosie Lam