市面上的化妝品牌多不勝數，想要突圍而出一定要夠特別。今期M.A.C的新系列 “It’s A Strike” 就以保齡球為主題，不但包裝夠哂突出，入面的古典色調仲好實用！
這次M.A.C.的秋冬彩妝系列共有26個products，可以說是配合近年流行的運動風所推出的限量版，而且每件產品的名字都是保齡球的專業術語，很特別呢！
今期主打的Trophy高光啞色光影粉，不但打開會見到非常可愛的保齡球圖案，而且可以混合或分開使用作highlight，又好睇又實用。
另外幾款秋冬色系眼影都是啞光的色調，一定會很受歡迎！小編就最睇好「黑調櫻桃」(matte)，眼窩至眼尾掃上少少，一秒變古典美人。
It’s A Strike全系列都貫徹始終啞色tone，5隻唇膏都以啞亮紅色系為主調，其中名為 “Honeylove”的淺米金摻雜玫瑰粉紅，聽上去就非常有格調！配上主打名稱的 “It’s A Strike” 柔和裸肌粉紅唇彩，輕鬆塑造完美唇色。如果喜歡挑戰非主流型格造型的話，仲可以試下深巧克力淡紫同深紫色唇彩。
Text：Esther Chan
Edit︰Joey Chen
