**最近先知道原來呢個欄目都有唔少男讀者，多謝支持哦。好啦，今個禮拜就講啲男仔都啱睇嘅嘢啦（其實係想畀說話啲男仔聽）。哈～
前戲做得好 高潮易達到
女仔眼中嘅床事，當然係由前戲到後戲整個過程嘅享受啦；不過對大部分男仔嚟講，床事就等於即刻埋牙入戲肉啪啪啪。其實前戲嘅偉大功效，唔只發揮喺女仔身上架。同埋正所謂「前戲做得好，高潮易達到！」花多啲時間纏綿，唔只係滿足女仔對性事嘅浪漫印象，男女嘅身體都會因為前戲準備功夫而進入最佳作戰狀態。
會收縮的公路
前戲除咗令大家情緒做好準備，腦部亦會向身體發出指令，先係令血液流去正確嘅地方（對於充血，男仔應該不用多解釋），而身體亦會製造天然分泌物，更重要嘅，係女仔嘅陰道肌肉都會因為浪漫嘅纏綿而進一步收縮，咁之後嘅啪啪啪就會既緊緻亦濕潤喇，你話你咪正先！
一齊重拾性趣
拍拖拍耐咗，或者年齡漸長，都會令女仔對床事嘅慾望慢慢減少，不過唔可以怪晒女仔喎，因為通常相處耐咗，男仔想啪啪啪時都會單刀直入，久而久之大家慣性skip咗前戲，或者hea咗佢就算，錫錫、互相愛撫、BJ等等前戲係女仔最享受嘅床上時光呀，而且仲可以令兩個人嘅性事都變得更享受，或者之後女仔會主動提出開戰添呀！
共赴巫山前預留15分鐘吧
咁究竟幾耐先叫唔hea呢？有研究調查話，最perfect嘅前戲時間係大約15分鐘，而現時大部分男女嘅前戲時間都係得5分鐘咋，陰功！
話就話叫前戲，但其實前戲對唔係做戲架，而且唔只得攬攬錫錫一兩招。由錫錫到互相按摩身體，到互相口交等等，15分鐘火辣辣嘅時光真係話咁快就過，過程之中你仲可能會開發到對方身體嘅敏感地帶，又刺激又超fun，下次埋牙開戰前記得預多少少時間喇！
Images: Internet