好多人話，如果碰杯時唔望住對方雙眼嘅話，you are going to have bad sex for 7 years！呢個咀咒好毒，而且係真係假真係無從稽考。記住以下10個大忌，同另一半打得火熱之際，千祈唔好做，咁就可以避免bad sex魔咒實現！
1. 瞓著咗
喺啲咁緊張刺激嘅情況下都瞓得著，一係你真係好攰，一係場賽事實係好悶。如果你係有零秒入睡功能嘅話，返到屋企真係覺得攰，不如坦白同佢講，再安撫吓佢，然後一齊唞足精神，第二朝先開齋啦。否則喺佢努力衝刺時，你突然瞓咗，以後唔使旨意有good sex！
2. 「入咗未？」
問佢入咗未，有兩款含意，一係暗示佢經驗不足，二係佢細到你完全feel唔到，兩種都係hurt嘅。下次真係feel唔到嘅話，可以用手摸吓。或者試吓轉招式，主動出擊女上男下從頭入過咪，搞掂。
3. 突然高呼我愛你
如果唔係真心，只係因為高潮將至，想將嗰份快感轉化成文字嘅話，絕對唔建議使用呢三個字，一來好假，二來都係好假。用返高頻率呻吟聲已經好助燃！
4. 叫錯前度個名
有時飲多兩杯，神智不清真係會叫咗前度個名，所以最好唔好開名，統一叫晒baby就包補無錯喇！
5. 由得個電話不停響
入場睇戲都識轉去silent mode，自己行房就更加要熄機啦。兩個人交合係一件神聖嘅事，需要百分百專注的先會有good sex享受的！
6. 傾少陣電話啦
就算你盤生意秒秒鐘幾十萬上落都好，當佢火力全開咁抽插時，你竟然走去聽電話，一來無禮貌，二來你有諗吓佢嘅感受呀！正所謂無眼屎乾淨盲，兩個人開波前，最好就將啲電話收埋一二邊。
7. 遮遮掩掩
好多女仔因為對自己身材無信心，玉帛相見時總係東躲西藏。其實願意同你同床嘅，又點會介意呢啲小事。而且無自信嘅女人，男人係唔鍾意的。如果真係覺得尷尬，不如熄暗啲燈啦！
8. 突然講啲完全唔關事嘅嘢
如果你覺得洞房期間無嘢講有啲尷尬，想求其搵嘢講嘅話，「Yes」、「好正」、「好爽」呢啲歡迎任用，但拜託唔好當佢係電梯大堂撞到嘅街坊咁無啦啦講煲劇，你想佢點答你啫！
9. 好想生BB
呢句說話背後又好多責任，如果兩個人未走到去嗰個階段，就唔好亂講！否則同貞子喺個井爬出嚟嗰吓一樣咁嚇人。
10. 自拍
雖然話經常自拍係有自信嘅表現，但係喺床上激戰期間都要自拍，似係有病多過自信囉，比著我一定乜火都熄晒！查實唔係樣樣嘢都需要用影像記錄嘅，將親蜜行為嘅感覺記於心中，比起影張相post出嚟都更能得到彼此嘅歡心啦！記住呢個世界有sex karma架！
緊記咪犯以上10個低級錯誤，祝姊妹們天天good sex直到永遠！
Text > Lucy Lamb
Photo > Internet