俘虜少女！B.Duck妹妹Buffy萌爆抵港

B.Duck迷注意，原來B.Duck已經做咗人哥哥架喇，最近佢嘅萌爆妹妹Buffy仲嚟咗香港添呀。作為哥哥，B.Duck梗係飛身去機場接妹妹啦。

性格開朗嘅B.Duck雖然貪玩，但一見到妹妹即刻大顯哥哥風範，無計啦，可愛嘅妹妹Buffy係B.Duck家族中唯一的小女孩，當然萬千寵愛在一身。

同哥哥B.Duck一樣，Buffy都擁有一雙Bling Bling大眼睛同埋肉呼呼的橙色嘴唇，最萌嘅當然係可愛小髮夾啦。講你都唔信，原來Buffy人仔細細已經有夢想，就係要擁有全世界最多小髮夾，有冇令你諗返起你細個時候嘅夢想呢！

畢竟，Buffy都仲係個細路囡，點都有幾分童年時嘅無憂無慮，同埋一點點任性嘅，而且佢仲有少少自戀，經常Selfie。其實會selfie嘅卡通人物，我淨係諗起Joan Cornellà，唔知佢兩個以後有冇機會crossover呢？

Text: Lam Lam Lei