免費入場！放假去香港情懷嘉年華又食又玩

講到香港特色你會想起什麽？懷舊小食還是那些年的小遊戲？要一條龍玩到盡，最好當然是去嘉年華！今個暑假，D2 Place將舉辦夏日嘉年華，以「香港掂檔」為題，除了有各種小食和攤位遊戲之外，更有多項現場表演。未出發先興奮，率先睇下有咩玩先！

夏日打響頭炮的是7.1當天舉辦的街頭嘉年華，趁假期一家大細玩返日。
民以食爲先，先睇下各種小食。最特別的應該是雪糕配上香港馳名的菠蘿包，飲品以手工血包飲品最吸引，認真試試每種顔色是什麽味道。

現場有20多個攤位，各類遊戲老少咸宜，喚起大家的童年回憶。
話明嘉年華，當然唔少得不同類型的表演節目喇！7.1當天除了有歌手演唱外，更會有街頭音樂、水晶球雜耍等，十足大匯演一樣。

「香港掂檔」街頭嘉年華
日期： 2017年7月1日(星期六)
時間：中午12時至晚上9時
地點：荔枝角長義街D2 Place

短短一日，唔夠玩又未必去到？7.1只是開幕日，其實夏日嘉年華爲期兩個月，七月同八月足夠大家玩到盡。

最大賣點！「辦公室擂台」減壓發洩
「辦公室擂台」讓一眾打工仔狂擲粉刷，將所有office裏的不滿情緒發洩出來，玩完一定會好爽！其他遊戲還有「海陸遙控交通城」及「LYCHEE & FRIENDS®」射擊場。打卡位
天台花園會設置多個潮語招牌燈飾，例如「係愛呀」、「食好西」。到時早點去到霸個靚位同潮語合照啦。
室內美食街嘆盡地道及新派小食
超人氣靚靚手工飲品、懷舊小食如手拉龍鬚糖及糖蔥餅等都一應俱全。