第四屆「新鴻基地產香港單車節」今個星期日（10月14日）就舉行喇。清晨時分，數千職業單車手及單車愛好者將浩浩蕩蕩出發，穿梭多個知名地標，於「50公里組」挑戰自我。下午，首屆Hammer香港站賽事於尖沙咀沿海一帶的公路上演，除了見證多支世界頂級單車隊競逐錦標外，您更可以在尖沙咀市政局百周年紀念花園與多名世界級車手作近距離接觸。
去年贏得香港單車節女子公路繞圈賽冠軍的梁潔儀(Lenny)，今年有冇機會再蟬聯呢？比賽之前，讓我們先了解這位冠軍車手。
Profile
- 2017年香港單車節女子公路繞圈賽冠軍
- 業餘車手，正職從事銀行
- 去過法國、中國等地踩單車，於不少單車比賽取得好成績，如2017新鴻基地產香港單車節、Japan NisekoClassic ITT等
Q : 你以前打過籃球香港隊、香港甲及乙組球隊，是否一直都喜歡不同運動？
A : 由細個開始都一直打籃球，基本上腦袋只有籃球。所以也不算接觸太多不同運動，由中學就開賽打籃球，一星期基本上練波及比賽都已花了四、五日，沒有時間玩其他運動。直至我六年前開始接觸單車先，才開始放棄打籃球。
Q : 是否因為老公踩單車所以一齊踩？
A : 是的，大約六年前吧，當時買了第一架小輪車，因為技術唔好，又唔識路，所以只能踩單車徑。我哋兩個都唔識踩單車，就打算踩車影相郊遊一下，當時無諗過會參加比賽，或買架Road Bike，因香港地屋企細。當時都好興網上舉辦踩車活動，玩多幾次就認識到一班踩單車朋友，之後更換了road bike，第一架不是Carbon frame而係titanium frame 。有架Road bike就覺得自己有單車可以參加公司單車隊，之後認識了單車競賽朋友，所以開始參加比賽。
Q : 你去年贏得2017年香港單車節女子公路繞圈賽冠軍，下一個目標是甚麼？
A : 其實上年拿下冠軍，不是我嘅功勞，係我隊友幫我贏返黎。單車比賽不是個人比賽，是團體比賽，要隊員互相配合去爭取好成績。其實沒有目標，我踩車係當強身健體，所以沒有那麼多訓練計劃，但或許針對今年新鴻基香港單車節，我目標幫隊友爭冠吧，haha。不過我對我那隊友好有信心，她狀態很好。
Q : 你正職從事銀行，有沒有想過從事有關運動的職業？
A : 無喎，因自知無呢方面嘅專業資格。
Q : 去過法國、中國等地踩單車，於不少單車比賽經常攞到好成績，最喜歡和難忘在哪裡踩車呢？
A : 其實我比賽也不算太多，一年就去那幾次比賽，就當旅行加騎車嘅心態。但比較難忘真係去雲南比賽 ，因比賽路線好長好辛苦，又呼吸不順，氣喘haha。
Q : 愈來愈多女性踩單車，你認為女性有甚麼優勢？有甚麼需要特別留意？
A : 女生優勢，或許我只能說鼓勵女生多做運動。我自己也是Rapha ambassador， 定期都會舉辦Women’s Ride ，目的鼓勵女生一起踩車，做運動。
「新鴻基地產香港單車節」網址：
http://discoverhongkong.com/cyclothon
