有啲女仔習慣每次床事後即刻跑去沖涼，以為咁樣可以保持妹妹乾淨整潔，查實經過一輪（或者幾輪）激戰後，陰道裡面組織係會因為磨擦而變得敏感，不過唔使驚，陰道本身有一套自我修復同埋防禦細菌嘅系統，所以激戰過後，不妨繼續依偎喺佢強壯嘅臂彎，尤其呢兩日凍冰冰，攬住溫存多一陣啦！禁忌1
潔癖上身狂洗
其實清潔用品裡面嘅化學成份，對敏感嘅陰道係一種好大嘅傷害。嗰啲化學成份會干擾陰道裡面嘅酸鹼平衡，分分鐘搞到出事架嘛，我指嘅係敏感同埋乾燥！
禁忌2
著住性感內衣瞓
性感內衣係好sexy，但好睇唔好著，勒到妹妹鬼咁痛。唔單只會整損妹妹，啲物料唔透氣，仲會令激戰後嘅汗水同細菌噏住喺下面。因為陰道同尿道好接近，到時噏到有尿道炎咪話我唔早講呀！
建議你一係換返條舒服棉質unde，一係索性唔好著！
禁忌3
用濕紙巾抹
唔好以為用濕紙巾抹一抹就乜無問題，濕紙巾是有酒精的，有啲仲有香料同埋精油，亂咁抹會引起紅腫，可能仲會痕癢，如果突然喺街痕起上嚟，你話點算好喇！
禁忌4
浸浴
我哋都知道M嘅時候唔可以游水，除咗因為會上演「血染的風釆」之外，最大鑊係成個泳池啲人身上嘅細菌都會入晒你嘅陰道。性後浸浴都係一樣，雖然係得你自己或者同佢兩個人，但係你哋激戰後嘅汗水，肛門可能殘留嘅細菌都一有可能進入陰道。
其實只要喺性後小個便，已經可以將細菌沖走晒！如果真係覺得唔沖唔安樂嘅話，可以用一茶匙醋加約一公升暖水，用毛巾輕輕抹，記得要由陰道向肛門方向抹，防止掂到C眼嘅細菌。
Text > Lucy Lamb
Photo > Internet