/
/

唔使飛德國!吃貨留港嚐啤酒芝士湯

踏入十月,對於吃貨來說將會好忙,除了大閘蟹當造,又有相繼有美酒佳餚節、德國啤酒節舉行。編輯鍾情德國,當地美食又怎會放過。趁一年一度的德國啤酒節(Oktoberfest)來臨,The Salted Pig率先推出德國主題菜單,精選多款地道頭盤、主菜及甜點,配上德國啤酒,留在香港都像置身於德國。

 

菜單中多款菜式均以啤酒入饌,像頭盤「啤酒芝士湯」($98),先將西芹、蘿蔔和韭蔥等煮腍,再加入雞湯、德國 Erdinger 小麥啤酒、喼汁、芥末及少許格魯耶爾芝士等調味,入口夾雜芝士鹹香和啤酒麥香。

 

德國啤酒節常備小吃「煙三文魚薯仔班戟」($118),薯仔絲混入洋蔥、芥末籽醬和酸忌廉等煎成班戟,口感外脆內軟,配以煙三文魚和凱撒沙律醬汁等,清新開胃。

 

主菜方面,有德國傳統美食「霍爾斯坦酥炸豬柳」($198),以德國北部霍爾斯坦地道做法炮製,豬柳裹上麵包糠炸香,外脆肉嫩,頂層特別放以煎蛋和鯷魚,鹹香鮮味,品嘗時將蛋黃刺穿,豬柳蘸點蛋汁品嘗,口感豐富。

 

推介具代表性的「紐倫堡香腸圈」($499),兩米長的香腸捲成圈狀,混入多種香料製成,味道濃郁。另伴以烤洋蔥、酸椰菜、薯仔和三款芥末醬汁,配香腸品嘗開胃解膩。

 

最後以清新甜點作結,傳統「蘋果肉桂卷」($58),香脆的酥皮下包入蘋果和葡萄乾,加上肉桂調味,入口夾雜濃厚肉桂香和果香。

 

提到德國菜,當然不少得啤酒,餐廳精選了德國 Erdinger 小麥啤酒,有別於一般只以大麥釀造,啤酒另加入小麥作原料,富豐富果香。除啤酒外,還有來自德國 Pfalz 酒區 Die Weinmacher 酒莊的白葡萄酒 Kabinett Riesling,夾雜蘋果、柚子和芒果香,適合女生。

 

The Salted Pig
地址:九龍尖沙咀諾士佛臺1號地下

Text︰Joey Chen