每年十月總係開心嘅，除咗因為好多閨蜜friend子生日，可以瘋狂慶祝之外，仲有關注乳癌嘅粉紅十月呢，同埋萬聖節呢，不過最最最正嘅，梗係一年一度嘅啤酒節啦！
作為一個愛啤酒嘅女子，早幾年放工同friend子去飲杯嘢，每次叫啤酒都會被冠以女漢子之名，直接少少嘅話，就係麻甩。好彩近年手工啤酒湧現，加上韓風炸雞配啤酒熱潮，「飲啤酒」終於擺脫咗麻甩嘅意識形態。好喇，唔講咁多，如果你都係去完必去Marco Polo啤酒節仲未夠喉嘅話，就嗱嗱聲跟住嚟啦~~
Marco Polo
飲飽食醉仲有房住
要數城中最不可錯過的啤酒節，當然是尖沙咀馬哥孛羅德國啤酒節，今年除了德國啤同埋德國美食之外，集團旗下三間酒店更推出「啤酒節住宿計劃」，除了方便來自世界各地嘅遊客，即使是香港人，一時高興飲大咗，都唔使擔心畀的士司機趕落車啦。
而家只要透過酒店網站 marcopolohotels.com 預訂「啤酒節住宿計劃」，喺啤酒節期間入住馬哥孛羅香港酒店、港威酒店或太子酒店，除咗喺房裡面已經預先為你準備好最傳統、最正宗嘅Erdinger啤酒，仲可以免費獲贈「第26屆馬哥孛羅德國啤酒節」入場門票（每間房最多兩張，包括啤酒兩杯），當然唔少得非常「墜手」嘅紀念啤酒杯啦，仲唔快手訂飛訂酒店。
**唔好話唔提你，今年用八達通買啤酒買一送一呀，記得帶身份證之餘仲要帶八達通呀~~~
第26屆馬哥孛羅德國啤酒節
日期： 2017 年 10月 20 日至 11 月 11 日
地點：尖沙咀海港城馬哥孛羅香港酒店6樓海景露天廣場
開放時間：6pm-11pm (Happy Hour: pm-7pm)
電話：2113 3217
入場費︰
星期日至四
成人 $160 (包括啤酒乙杯)
小童 $120 (包括汽水乙杯)
星期五及六
成人 $280 (包括啤酒乙杯及紀念啤酒杯乙隻)
小童 $160 (包括汽水乙杯)
Beef & Liberty
啤酒配Burger無得輸 同場仲有「小學常識問答比賽」
唔好以為fashion先會轉季，入秋之後，burger都要轉吓口味。踏入秋天，Beef & Liberty推出佢哋譽為有史以來最「可惡」的漢堡包El Cabrón。之所以可惡，係因為個burger用Texas同埋Mexico做靈感，諗都諗到即係辣辣burger。火辣辣嘅辣椒煮牛肉、半溶嘅焦糖芝士，配埋自製醃青瓜、蔥同酸忌廉，味覺層次超豐富。而最可惡嘅係，呢個咁好味嘅秋季burger只會於秋季供應，做到11月30號架咋，要食就快，唔好等下個禮拜。
小小貼士：個人建議叫medium rare呀，因為由廚房拎到出嚟，影吓相呃like打埋hashtag，件辣牛都已經熟多一成，叫medium嘅話就會浪費就件美味辣牛架喇！
除咗個burger限定，Beef & Liberty仲會係十月德國啤酒節期間，搵埋少爺啤特別釀製的桶裝啤酒Festbier畀你做pairing。來自巴伐利亞的啤酒，專為喜慶節日而釀製，味道麥芽得來有啲優雅，配El Cabrón一流。
有去過啲好地道鬼佬酒吧嘅話，都會見過佢哋一邊隊啤，一邊好認真咁玩「小學常識問答比賽」。Beef & Liberty今年會喺10月24日同少爺啤一齊搞知識競賽之夜「Let’s Get Quizzical: Oktoberfest Special 節日主題知識競賽之夜」，快啲組隊，搵齊6個人一齊報名喇喂。
El Cabrón辣漢堡
供應期：即日至11月30日
知識競賽之夜
日期：10月24日 7pm-10pm
預約：events@beef-liberty.com
高街同愉景灣都有啤酒節
想飲Erdinger，除咗可以去Marco Polo啤酒節之外，喺西營盤的High Street Grill同埋愉景灣靚景Zak’s都有得飲喇。餐廳仲用渒酒入饌炮製咗多款德國美食畀你大飽口福，包括以黑啤醃製的德式烤雞，配埋酸菜食真係一流。仲有香料蕃茄醬醉烤肉丸，同埋椒鹽捲餅配醉香芝士汁等等，如果點咗呢幾款啤酒節美食，仲可以優惠價$40元買走Erdinger隻高啤酒！去愉景灣Zak’s分店，仲可以參加在戶外餐區啤酒慶典！
Zaks
地址：愉景灣D’Deck 地下G04號舖及1樓103號舖
電話：2987 6232
築地山貴水產 x 麒麟一番搾啤酒祭喺尖沙咀碼頭飲完Marco Polo德國啤，唔夠喉嘅話，可以搭船過對面岸，灣仔碼頭築地山貴水產趁住十月啤酒節，同麒麟啤一齊搞咗個啤酒祭。日本人事事都認真到爆，所以山貴水產市場都專登換晒麒麟啤酒為主題的精心佈置，當然唔少得多款麒麟一番搾秋日限定味Frozen Beer同埋日式限定小食啦！
推廣期間，除了原味麒麟一番搾 Frozen Beer 外，仲有秋日限定口味，包括麒麟一番搾椰子菠蘿、香烤栗子及荔枝味；同時亦推出兩款套餐：浜燒x 麒麟一番搾Frozen beer ($298)，包括原隻魷魚、吞拿魚鮫、 大蝦兩隻及三文魚西京燒; Happy Hour 時段(星期一至五下午4時至7時) 的麒麟一番搾秋日限定套餐($150)，讓你同時間可享受純正及只萃取第一道麥汁釀造的4款 麒麟一番搾Frozen Beer及日式一口炸雞，以滿足口腹之欲。
築地山貴水產 x 麒麟一番搾啤酒祭
供應期：10月13日至11月30日
首度參與加HK Wine & Dine Festival雖然剛開業不久，但築地・山貴水產已經有機會參與今年香港美酒佳餚巡禮喇，除了首推汁燒長崎吞拿魚粒串、帆立貝海膽串、磯燒汁煮鮑魚等日本小吃，更帶來日本築地場外市場大人氣的玉子燒。有美食又怎能缺少美酒？山貴水產市場還設清酒攤位，多款清酒等緊你黎試！
帝京酒店 美酒佳餚巡禮
如果你在26至29日有一晚不想喝啤酒的話，到中環新開濱參加Wine & Dine吧，今年帝京酒店一如既往全力支持，誠意帶來一系列佐酒美點包括率先登場的人氣限定鹽燒大蝦皇、金蒜梅酒焗北海道帆立貝、韓式炸雞件、 松茸珍菌焗釀蟹蓋及香煎七味牛舌等 ，讓一眾品酒人士以多款細緻滋味配搭美酒，共創無限美味可能。
入到場又想喝啤酒，帝京酒店準備了obba最愛的韓國美食，當然不得「韓式炸雞」，與展場內過百款手工啤酒簡直絕配，記得早點去幫襯哦~~
Text: Goosie Lam
Beerliner German Bar & Restaurant
帶來滿「Fun」十月啤酒節
廣受大眾歡迎的Beerliner German Bar & Restaurant一直為食客炮製一系列精緻德國美食。適逢德國傳統節慶十月啤酒節的來臨，餐廳的德籍總廚Jörn Henninger亦由即日起至10月31日期間，呈獻「肉」全食拼盤及期間限定啤酒，並於各分店內特設尋寶遊戲，送出免費飲品，與食客一起舉杯慶祝滿「Fun」十月啤酒節，感受熾熱氣氛！
十月啤酒節期間限定：「肉」全食拼盤
份量十足的「肉」全食拼盤($468)適合3至4人享用，拼盤內包括多款傳統美食：慢煮牛腹肉扒(半公斤)、蜜糖啤酒燒春雞、德式燒豬手、香辣豬肉腸配紅菜頭酸椰菜、脆炸薯角、法邊豆及迷你甜椒。當中慢煮牛腹肉扒先用百里香、蒜、橄欖油、鹽及胡椒醃至入味，再以攝氏54度慢煮4小時，保持肉質嫩滑，上碟前再烤香牛腹肉表面，來達致外層焦香，中間仍然充滿肉汁的完美效果。蜜糖啤酒燒春雞選用原隻1公斤以下的法國春雞，特別加入蜜糖、黑啤及檸檬汁等來醃，然後以攝氏180度焗爐烤焗4小時，烤焗時黑啤較高的糖分及蜜糖能令雞皮香甜脆口，同時雞肉亦滲出啤酒及蜜糖香味。德式燒豬手以經典方法炮製，先烚後燒，便可將豬手肉煮得軟腍，豬皮卻鬆化無比。惹味的香辣豬肉腸充滿煙燻及蒜香味，咬下去油香十足。
拼盤內的配菜也毫不馬虎，Jörn在德國傳統酸椰菜中特別加入紅菜頭粒同煮，紅菜頭的微甜能中和椰菜的醋酸，吃起來格外清新。來自歐洲的迷你甜椒比本地椒細小，椒甜味卻更加集中，輕烤已能品嚐其原味。脆炸薯角及法邊豆也是烤肉的絕佳配菜！
啤酒節歡聚暢飲精選
啤酒節怎能缺少富有特色的啤酒？餐廳特別獨家引入期間限定的生啤Hacker-Pschorr 十月啤酒節特釀($72/500ml)，酒身呈琥珀色，散發淡淡黑加侖子及雪松木香氣，入口帶有濃厚麥香，酒精度亦似傳統啤酒節特釀，較一般啤酒稍高(ABV 5.8%)，味道濃郁甘甜，最適合配搭較濃味的燒豬手及牛扒。
獨樂樂不如眾樂樂，點選4款啤酒組合($200)便可以一次過暢飲4款自選啤酒(每款280ml)，推介Beerliner獨家供應的Hacker-Pschorr德國生啤，包括清澈爽口的Müncher Hell、帶小麥微甘的Weisse及酒體較厚重的Müncher Kellerbier。凡惠顧「肉」全食拼盤，更可以優惠價 $138 加配4款啤酒組合，以不同冰凍佳釀伴隨啖啖滋味！
喜歡無酒精飲品的朋友，也可選擇士多啤梨番石榴沙冰($68)或朱古力Oreo沙冰($68)兩款期間限定特飲慶祝啤酒節。前者加入新鮮士多啤梨及番石榴炮製，上面更放有色彩繽紛的棉花糖，果香清新；後者則運用朱古力及Oreo餅調製，配上忌廉及Oreo餅碎，甜美濃郁。
啤酒節尋寶遊戲送飲品
除了美酒佳餚，餐廳還增設了啤酒節尋寶遊戲，令啤酒節氣氛更加熱烈！餐廳各分店內牆上均貼滿了與「啤酒節尋寶」相關的特定圖案貼紙，如啤酒、香腸、啤酒桶等。食客只需將其中一款找出，拍照並上傳至自己的 Facebook及標籤 「Beerliner German Bar & Restaurant」，再向店員展示，便可獲得禮券一張，即時換取一杯免費飲品！(優惠受條款及細則約束)
