最近Hugh Jackman在自己的ig 上載為電影《盧根》配音的片段，非常落力，用聲用到極致。而日本人把聲都好似同Hugh Jackman一樣，嗌極唔沙，睇佢地玩日本大熱遊戲「不要停！八分音符醬」就知啦！這個遊戲是靠聲音控制音符的活動，跳過愈高的障礙物就需要愈高音的聲線，小編玩完一關都已經聲嘶力竭。究竟日本人有咩開聲法寶可以咁犀利呢？
法寶一︰礦物質軟水中國人想開聲，少不了羅漢果水同鹹柑桔水。原來日本人更講究，不同情況會飲不同的飲品開聲。長時間用聲的話，他們會keep住飲常溫的水，而且是樽裝的礦物質軟水。軟水較硬水更易被身體吸收，所以口腔會分泌更多口水，冇咁易口乾。 [embedyt]https://www.youtube.com/watch?v=UqQ00jo-nMw[/embedyt]
法寶二︰蜂蜜蘿蔔水
如果要對付感冒的聲沙，日本人就會自製蜂蜜蘿蔔水。只要將蘿蔔切粒，放進已經消毒的容器，再倒進蜜糖，放入雪櫃一晚待蘿蔔出水就行了。製作方法非常簡單，日本人妻都愛在家自己整，你都可以睇住片，跟住整。蘿蔔配合蜂蜜，有止咳潤喉的作用，連日本藝人優香都會飲！
日本藝人優香都會自製蜂蜜蘿蔔水
法寶三︰有機花草茶長期用聲之後，很多日本人亦會選擇飲Throat Coat潤喉茶，Throat Coat是美國有機的花草茶，有甘草根、野櫻桃樹皮、小茴香籽等成份，可以強化喉部功能，保護聲帶。Text: Tiffany Fung
Edit: Joey Chen
Photo: 網絡圖片
