初相識嘅伴侶當然事事新鮮有趣，新嘅體位、新嘅速度。慢慢地，兩個人不斷喺刺激嘅trial and error過程中，搵到你兩個最愛嘅行房時間同地點、體位同速度，然後再過多一段日子，大家都慣咗喺一星期嘅某一日、喺某個地方用某一種體位完成床事，一切都變得平凡（即係悶）。明明大家好愛對方，但床事卻好似一潭死水，咁點算好？以下4個方法，可以幫你同伴侶重燃床上愛火。
匿喺屋企全日愛
好多人一諗到要令床事再次升溫，就一定係要搞大龍鳳，又要book五星酒店，又要成張床舖滿玫瑰花瓣。其實呢，呢啲門面嘢，做咗當然有幫助，但唔係重點。我講緊嘅係一啲小改變，例如轉個行房嘅時間、轉個地點、轉個體位咋。即係平時都係夜晚愛愛嘅，就試吓morning Q啦、平時喺睡房張床嘅，就試吓轉去廚房囉，又或者一齊請一日假，全日乜都唔做，淨係喺屋企慢慢做、密密做愛做的事，係咪聽到都覺得好過癮呢~~~試吓矇佢眼
五官之中，矇眼係最容易帶來新刺激架，無論係矇你定係矇佢，或者兩個一齊矇都得，真係即刻搵返初初相識時嗰種翻雲覆雨嘅刺激架，萬試萬靈呀！如果想玩聽覺，可以播啲啱beat嘅歌，兩個人一齊跟住音樂擺動身體，唔怕錯beat，而且真係好high！想玩味覺都好簡單，拎啲嘢食舖喺身體嘅敏感部位，不過事後要清潔囉，我建議入廚房玩（係呀，其實喺廚房洞房真係好正架）！暫時唔准傳教
其中一個最容易撻返著床上愛火嘅方法，就係唔准用平時做開嘅體位。試過大家協定一個月唔准傳教，結果一齊發掘咗好多唔同嘅刺激體位。不過有人係特別鍾情傳教士體位，而且唔傳教去唔到高潮嘅，咁就定規矩要到最後先可以用啦！想絕啲嘅話，可以試吓協定一個月內只可以錫錫，唔准愛愛，保證一個月後你哋會纏綿返兩個月呀！
邀請特別嘉賓進場
唔好誤會，唔係講緊threesome呀，而係性玩具呀！其實性玩具係一項偉大發明嚟架，而且設計愈來愈貼心，有一個人寂寞時用，亦都有畀你同伴侶愛愛時用，令床事刺激度double up！新手仲未接受到，不如試吓由潤滑劑開始，買支會發熱嘅lube，無論係用口定係埋身肉搏，嗰種暖笠笠嘅感覺真係搞到人返尋味架！
Text: Lucy Lamb