港女最勁嘅係無論天氣幾濕幾熱都好，為咗美美身材仍然能堅持每日跑步，既然每日都要跑，一對能陪你遠征嘅跑鞋真係好重要，如果你仲係求其著住對波鞋跑步嘅話，不如考慮吓Reebok啱啱推出嘅全新長跑跑鞋 Harmony Road。
呢對跑鞋最勁之處，係仲未上架已經被Runner’s World 評選為「Best Debut」跑鞋。咁對底Harmony Road有咩咁架勢？
翻轉對Harmony Road睇吓佢嘅鞋底，底一粒粒黃色粒子就係革命性嘅Kooshride緩震系統，全靠佢強勁嘅緩震功能，你跑步時由腳掌傳到pat pat骨嘅每一下撞擊力都會大大減輕，而且仲會將震盪平均汲收，令你步伐更平穩，加上鞋底三個不同設計嘅區域，包括柔軟而伸展力強的前掌、較穩定及有彈性的後掌，進一步強化緩震效果。
Harmony Road嘅外鞋底用咗耐磨損的膠底，真係點跑都唔會爛，仲有無縫鞋面又透氣又減低磨擦 ，最正係有好多種顏色揀，下次一定係佢同你一齊PB。
Text: Goosie Lam
