愛，係好抽象嘅情感。就算幾熟嘅閏蜜都唔會get到你同男友之間嘅微妙關係。墮入愛河嘅時候當然幸福，但當你開始懷疑呢段關係嘅時候，係咪要要問吓自己，對底呢個人值唔值得你繼續愛？ 以下有12個徵兆，如果佢全部做到足嘅話，其實佢真係唔愛你架喇，只係仲未搵到第二個。姊妹，分手吧！
1. 成日都話好忙
呢個可以話係全世界最hea嘅藉口。其實就算幾忙都好，如果佢真係想見你嘅話，一定可以咇到時間出嚟見你的。
2. 從來未見過家長朋友
如果佢係認真嘅話，會好急不及待將你介紹畀佢身邊嘅人認識的，如果你哋嘅活動永遠都係得你兩個，咁就要諗吓自己其實會唔會唔覺意做咗唔見得人嘅小三。
3. 拒絕喺街有任何親暱行為
有啲男仔係比較怕羞，或者唔鍾意喺街錫錫咁親密嘅，但如果連拖手都唔肯嘅話，有幾愛，心知肚明啦。
4. 收收埋埋乜都唔講
兩個人喺埋一齊最緊要係溝通，有啲人係比較內歛嘅，如果你哋兩個真心相愛，總有一天佢會為你打開心扉嘅，而如果問極都閃爍其詞嘅話，我可以肯定話你知，佢唔係你嘅Mr. Right.
5. 次次拍拖都係你安排
如果你覺得次次都係你諗都無問題嘅話，咁有問題嘅就係你喇。
6. 永遠都whatsapp唔聽電話
每次打畀佢都唔聽，但又會覆message話忙緊嘅話，其實佢根本唔想畀你知佢做緊乜。仲要連搵個地方靜靜地聽你電話呃你喺公司呢一個動作都慳返，你覺得佢可以有幾愛你？
7. 他的未來沒有你
農曆新年去親戚屋企拜年佢唔預你，去朋友屋企打麻雀都唔叫你，情人節無諗住同你過，復活節去旅行都無你份。如果佢愛你嘅，佢未來嘅每一天都應該有你存在吧！
8. 佢對你嘅過去未來毫不關心
情侶之間應該互相尊重，你應該要感到被重視，如果佢連你嘅過去未來都無興趣知道，呢個男人真係唔值得你再花時間囉。
9. 佢仲有同ex聯絡
尊重你嘅話，佢係唔應該同前度聯絡的。唔好以為畀佢同ex聯絡，係代表你好開明，其實係代表佢唔愛你了。
10. 成日放飛機
你都有試過放人飛機吧，一係唔想去，一係覺得唔重要，如果佢成日都放你飛機，你都係時候要同佢講bye bye。
11. 同佢一齊覺得好唔自然
如果佢係mr. right，你同佢一齊嘅時候，係可以好舒服咁做自己嘅。但如果你永遠都覺得戰戰兢兢，好驚做錯咩事會令佢唔鍾意嘅話，傻妹，其實你對佢嚟講只係就手，無愛架。
12. 上一次搞嘢係幾時？ 如果佢喜歡你嘅話，會好想同你有肉體上嘅接觸，如果對住你連搞到無興趣嘅話，講堅，分手吧！
你可能會喜歡以下書籍：
Text > Lucy Lamb
Photo > Internet
Photo by Garon Piceli from Pexels