年年過節，啲商場都淨係放幾盤桃花同生肖就當裝飾咗，有啲流喎！如果你有同感，就要去置地廣場行個圈喇！
賀年手工藝盛會 Artisanal Market
今年置地個裝賀年飾除咗係裝飾之外，仲係一個市集嚟架，由今日起擺到年三十，即係同維園年宵一樣都係擺到1月27日。唔同嘅，係呢度全部攤檔都係充滿香港情懷嘅老字號，你除咗可以喺度辦年貨，買吓蔘茸海味之外，仲有好多幾十年錢香港好盛行嘅手工藝、手作仔店舖，比起維園嗰啲開咪大叫推銷嘅廿蚊個磨豆機（其實同平時喺街邊見到嗰個係一樣的），或者199港女最愛生鐵煲，係更加有香港情囉！
認真mode，商場搞裝飾都係想增加人流，置地今年呢條橋，係好中香港人口味嘅。時道唔好嘛，人人都興想當年，呢個市集搵返晒老香港啲威水特色產品出嚟，除咗多返啲中國傳統文化，仲畀年青一代知道以前啲老字號背後堅持與傳承的故事，世代傳承智慧，真係唔買都要去睇吓。
喜歡手工藝品的話，三代傳承繡花鞋工藝的「先達商店」及香港最古老的手繪瓷器廠「粵東磁廠」代表著本地手藝文化的傳承，不容錯過。盛會蒐集逾四十款產品，配以置地廣塲為農曆新年製作的精美包裝禮盒，送禮自用皆宜。
屆時亦會舉辦多個工作坊，包括「工夫茶舍」即場介紹禪茶及品茶的藝術、「先達商店」會派出第三代傳人教授傳統匠心獨運刺繡工藝、香港最古老的手繪瓷器廠「粵東磁廠」將於工作坊分享繪製瓷器心得，參加者可親手製作手繪瓷碟，讓顧客走進藝味濃厚之旅。置地廣塲雲集國際知名食府，頂級餐廳及酒吧SEVVA主理人Bonnae Gokson會分享以「大孖醬油」入饌的家族餃子食譜。另外，曾在《米芝蓮美食指南》中摘星的最年輕廚師，享譽盛名的唐人館行政總廚歐國強師傅(Albert Au)會炮製花膠菜式「花開富貴」及有機「團圓三色湯圓」。Bonnae 和歐師傅亦會分享家人如何啟發他們對烹飪藝術的熱愛與承傳家族智慧的寶貴心得。
Text > Goo
