何謂低調放閃？即係閃得嚟又唔會令人反感。著情侶衫？唔得，太明顯啦！著情侶鞋就低調中見心思，仲夠晒時尚有型！來自美國的Skechers經常被誤會係韓國品牌，事關近年獲一班韓星熱捧。
而Skechers熱將會再度升級，因爲近日請來最強韓國男子組合EXO同熱爆女子組合Red Velvet合作代言「情侶專屬」D’Lites2 Sweet Monster系列！
D’Lites2 Sweet Monster共有四款：灰色x粉藍色 、白色x粉紅色 、灰色x黑色同埋白色x粉灰色，售價為$699。上圖伯賢就示範灰色x黑色。
繼承咗D’Lites嘅設計，融合Hip Hop同K-pop元素，採用不規則線條的升級版波浪形大底。作爲一對情侶鞋款，當然係男女都啱著的unisex款式。Skechers向來賣點是特厚鞋底，内增高設計令雙腳又長又幼，視覺上輕易著出韓星的長腿造型！
運動鞋要著得舒服是常識吧！這系列的鞋款有緩震功能，減輕雙腳負荷，同另一半行街行幾耐都得。
灰色x粉藍色配搭幾清新，由燦烈演繹。
有情人嘅你，就買對俾自己，買對俾佢；冇情人咪買一對，同EXO或Red Velvet成員做情侶囉！
Text︰Ada Chan
Edit︰Joey Chen
