今年乃雙春潤月的大好結婚年，康得思酒店（Cordis Hong Kong）趁機推出「摯心婚宴」個人化婚宴服務，仲同施華洛世奇水晶crossover，除咗為一對新人準備獨一無二水晶裝飾婚禮紀念禮盒之外，主家席都係用施華洛世奇的喜宴配飾，真係閃到眼都擘唔大。
水晶裝飾婚禮紀念禮盒採用施華洛世奇元素作裝飾，望落就好似一本圖書館裡面嘅珍貴典藏，裡面記載住你同另一半嘅浪漫愛情故事。禮盒裡面，除咗有鑲滿水晶嘅新娘日記本，仲有嘉賓簽名冊、利是封、水晶簽名筆、心型水晶戒指枕以及酒店禮劵等。精美的新娘日記本包含了婚禮籌備的注意事項、財政預算、婚嫁禮儀等實用資料，等你可以輕鬆籌劃人生大事。
講返主家席嘅Swarovski餐具先，除咗水晶餐碟，仲有香檳杯、紅酒杯、餐巾環、洋燭座等，係咪聽到都想即刻結婚呢！唔好以為咁閃一定只得西餐，Cordis呢次同Swarovski嘅合作更可以延伸到中餐，而且中式菜譜仲要係由米芝蓮二星餐廳明閣主理。你大婚當日，酒店仲會安排專業婚宴助理幫你打點一切，總之所有嘢交晒畀佢，你就專心結婚啦。
施華洛世奇水晶喜宴配飾(西式婚宴)
新娘水晶日記本
摯心婚宴 – 上海廳
水晶戒指枕
施華洛世奇水晶喜宴配飾(中式婚宴)
摯心婚宴 – 山東廳
摯心婚宴 – 星願亭
摯心婚宴 – 宴會廳
未結婚又想感受浪漫氛圍，Cordis同Swarovski仲推咗「水晶之吻」主題下午茶，由美食創作總監Paul McLoughlin以剔透水晶為題，巧妙地將Alibi著名的海鮮融入鹹甜美點中，配合高雅的施華洛世奇餐具，引領賓客進入浪漫的美食之旅。客人在拍照亭留倩影並上載社交平台更可獲贈施華洛世奇水晶鏈墜及項鍊兩份 (每份價值約為港幣700元)。
地址：旺角上海街555號康得思酒店及度假酒店
電話：3552 3388
Text > Goosie
