[embedyt]https://youtu.be/N0eKG47y2oo[/embedyt]
明明公司附近有好多嘢食，但係每日到咗lunch時間都好苦惱，雖然有好多餐廳畀你揀，但硬係每日都好糾結，諗唔食乜？如果你係喺太古附近工作嘅話，恭喜你呀，因為TREATS繼十二月打頭陣的老字號餐廳 「蛇王芬」之後，搵咗榮獲兩屆米芝蓮推介的街頭小吃「Kelly’s Cape Bop」加盟，喺 TREATS開設灣仔本店以外第一間pop up，由今日開始去到5月31日，唔使去灣仔都可以食到健康潮食喇！
未聽過Kelly’s Cape Bop，唔緊要，輕輕介紹吓啦。呢間來自泡菜國嘅米芝蓮食店，主打街頭健康小食，多菜少飯，創辦人Una當年見阿女Kelly食得唔多，仲唔肯食菜，為咗佢嘅健康著想，特登親手整啲韓國家庭郊遊時最愛吃的紫菜飯卷畀阿女，仲減少米飯量及增加蔬菜的種類，希望讓女兒可以一次過吸收多種所需營養。所以如果你諗住食劣食芝士步隊鍋嗰啲嘅話，Sorry，呢度係無架！
Kelly’s Cape Bop最出名嘅，係正宗而又無味精嘅自家制韓式紫菜飯卷，今次pop up仲特登出咗一款「無飯紫菜卷」，用本地農場新鮮大蛋精製的蛋絲取代米飯，再配上有營高纖的四色蔬菜，包括青瓜、紅蘿蔔、紫椰菜及生菜，以減少碳水化合物的攝取量，並在蔬菜吸收方面取得平衡。
Kelly’s Cape Bop限定店仲有其他又健康又飽肚嘅韓式街頭小吃，例如口味清新的牛肉紫菜飯卷、香濃滋味的芝士紫菜飯卷、惹味刺激的辣味或者蒜味炸雞，仲有炸紫菜粉絲卷，同埋韓式泡菜豬肉拌飯等。講多次，pop up到5月尾架咋，完咗就要自己搭的士去灣仔食架喇！
TREATS x Kelly’s Cape Bop限定店
地址： 香港太古城太古城道18號2/F, 255舖
營業時間：上午10時至晚上9時
Text > Goosie