大部分香港人想在週末出走抖一抖，多數都會過大海去澳門，周圍逛逛吃喝玩樂輕鬆一下。近日又有新酒店開幕，可能你會話「澳門成日都有新酒店，有乜咁特別？」當然有，就係俾你做皇帝及皇后！永利皇宮位於澳門路氹城區，雖然圍繞四周都是5星級酒店，但只有這一間是不用步行進入酒店，因為你可以坐纜車直接抵達！

 

纜車貫通酒店

其實從「皇宮」外圍步行至內圍需時大約十多分鐘而已，為何要乘坐纜車？當然是要遊客像貴賓般，不用花丁點兒腳骨力，其次就是讓大家能夠從空中俯瞰表演湖的美景，這裡每日定時會有花式噴泉音樂匯演。編輯走進觀光纜車，車箱內有空調，坐位寛闊，行駛時亦算穩定，不過行程略為短，坐一陣好快就到。

 

房間設施全自動化

所謂的帝皇級享受，就是坐低蹺埋雙手咩都唔使做！永利皇宮設有1,706間客房、套房及別墅，裝潢設計結合中西的奢華風格。房內配備Bang & Olufsen藍芽音響系統，浴室放滿英國品牌Molton Brown的沐浴用品，就連剃鬚刀及梳子都金光閃閃！最最最令我難忘的就是互動觸控式控制面板，無論身處梳化抑或床上，輕按touch screen就可以控制全間房內的設備！

 

佳餚與藝術

做皇帝梗係要嘆佳餚，今次我就在永利宮的戶外露台吃午餐，品嚐正宗地道粵菜，兼欣賞表演湖水舞；晚上再去永利扒房享用超美味牛扒及海鮮，同時觀看餐廳內上演的劇院式三維投影動畫。另外，永利皇宮內還有中西合璧的「逸蝶軒」、日本料理「泓」及「鮨泓」及「甜藝廊」等。

 

整個「皇宮」內除了有超過50間名店可以盡情shopping外，更隨處可見珍貴的藝術品；以及欣賞由國際花卉設計師Preston Bailey，以成千上萬的花卉製作的巨型花卉雕塑，作品更會每季推出新的主題。

 

永利皇宮
地址︰澳門路氹體育館大馬路
查詢︰http://www.wynnpalace.com

Text︰Joey Chen