垂涎！５大男神曬「肉」

靚仔當然吸引，不過唔係個個女人都鍾意脂粉男，但肯定大部份見到肌肉男都會「嘩嘩」聲，情況就好似啲男人見到大波女星一樣！自己身邊果個就算身材唔多好，睇下都好吖！所以肌肉男神絕對有市場，香港之光拳王鋼條男曹星如、住家大隻男張孝全、可愛肌肉男彭于晏、時尚型男余文樂，還有近日經常赤身練跑既健康男袁偉豪，你又buy邊type？第一位：彭于晏
彭于晏是陽光型男孩，由於拍攝《激戰》時大show肌肉，令大家留下難忘印象，以後一講到肌肉男孩一定想到他！老實，彭于晏論樣貌夠靚仔，論身形佢又夠fit，唔會太大隻，胸肌同腹肌勻稱，配埋大眼睛既鄰家男孩樣，就好似形容女神一樣，係真正既「天使面孔、魔鬼身材」！
第二位：張孝全
張孝全一出道就給人大隻男既感覺，好有肉感，也好有安全感。雖然早前身形有點開始唔夠「實淨」，但新戲《指甲刀人魔》要經常沖浪，他的美好body再次復見。又因為他演過男同志電影，所以是同志界理想的夢中情人，感覺好sexy！
第三位：曹星如
當然曹星如不是帥哥，也不是筋肉男，不過他是香港之光，打拳出晒名，職業生涯保持連續21連勝不敗，所以雖然他不是明星，但紅過好多星！就算屬於超蠅量級，唔係賣肌肉，但打得一手好拳已經殺晒！
第四位：余文樂
從來余文樂都不是sell大隻，主要sell時尚，不過早前佢因為拍新電影《西遊記》與彭于晏有對手戲，又因為角色需要，他的二郎神角色也需要一身肌肉，結果操練10個月之後變咗大隻仔，大家一見到他曬肌肉的新形象都為之嘩然！估唔到就咁成為肌肉型男！
第五位：袁偉豪
星途近年開始有起色的香港先生袁偉豪，於參賽時已經大賣好身型，腰又幼，胸肌同腹肌又有睇頭，加上佢近年熱愛跑步，仲要赤住身跑放靚相上IG，吸引咗好多迷絲支持！Bennjamin，你要繼續跑，繼續除衫跑呀！
Text: Roanna Lee