夏天去沙灘要做足準備，有些小物帶在身上，出行就更方便。除了實用，當然都要靚，小編嚴選了配合夏季潮流和色彩的小物，幫你打造時尚沙灘look！
必備小物一：beach tote

去沙灘都要帶個靚靚沙灘袋，Cath Kidston 最新的夏日系列很特別，圖案設計師參考著名植物園Trebah 和Heligan 的叢林植物，如棕櫚樹、竹子和香蕉樹，設計了充滿夏日感覺的圖案，還有生長於康沃爾海岸的海洋生物，樣子可愛，去到沙灘一定成為焦點。帶埋花花圖案的披肩和穿上花花裙子，就更有夏天的感覺了！

必備小物二：防曬產品

去到沙灘，陽光猛烈，怎能不帶備防曬產品呢？如果你不愛化妝，就一定要用防曬乳液或防曬霜。de Mamiel的防曬乳液有效防止自由基、UVA和UVB的侵害，質地清爽，有助保濕。而Naturaglace的防曬霜就有埋防水功能，落水玩都唔驚曬傷！若果你化了個靚妝到沙灘的話，就要帶備防曬粉，防曬粉由100%純天然材料製造，有防紫外線功能之餘，完妝效果亦很自然。

必備小物三：茶色太陽眼鏡

去曬太陽，又點少得一副黑超呢？今年茶色太陽眼鏡當道，連懷孕的國際天后Beyonce都是茶色太陽眼鏡的粉絲，你又怎能不配備呢？SUNDAY SOMEWHERE的春夏系列亦有多款茶色太陽眼鏡可以選擇，特別推介MINGUU款式，以平頂眉鏡元素加入經典圓鏡中， 型格易襯亦不失玩味。