或者你記不起談善言是誰，但說起《點五步》女主角，甚至在剛過去的金像獎上，以粉紅色skin head襯一身白衫的最佳新演員候選者，會有多些印象嗎？
（每年金像獎的女星紅地氈造型都係大家茶餘飯後嘅話題，除咗大會頒發的最佳衣着奬外，其實有幾位女性嘅造型都好獨特，你投邊個？https://goo.gl/DQhpPf）
曾經當過模特兒和演出青春劇的談善言，出道時已經以短髮示人，被譽為「90後短髮女神」。在《點五步》內繼續keep住清純短髮，直至在《小男人週記3》內飾演TB，剪了一個男仔頭，再在《告別之前》飾演cancer病人要剃光頭，之後就一直留住skin head。談善言說：「我本身很久沒留長頭髮了，但我應該會keep多一陣才慢慢留長！因為我現在工作會戴假髮，所以不影響工作，而且skin head好方便、輪廓亦比較突出，只是比較男仔頭。」今次在金像獎紅地毯上的粉頭skin head非常搶鏡，原來是造型師 Andy Daniel 幫手設計造型。「今次是我和AndyDaniel 第二次合作，上一次是亞洲電影大獎。由於去年拍攝旦哥的《小男人週記3》剪了一個好Man的男仔頭，跟住拍《告別之前》更加剃光埋個頭，之後好多工作、照片都是以男仔頭型象示人，所以在亞洲電影大獎和金像獎這兩次活動上，都希望可以帶出比較女仔、斯文的中性感覺。

至於金像獎當晚的造型重點在於髮型，因為金像獎提名是一件好值得紀念的人生大事，所以我希望在造型上能夠好好反映出現在的我，待幾十年後看回這個造型的照片，都可以記起現在的所有東西。AndyDaniel 將我想要的都在呢個造型上呈現出來、IL Colpo的Larry花了兩日共十個小時去整這個頭，加上細心的江中平先生的化妝，放大我的輪廓優點，令整體造型更好，我實在很感激他們！」平日的談善言最愛T-Shirt牛仔褲，但身為新人的她，難得出席如亞洲電影大獎和金像獎的大型活動，當然要既莊重又自我！

Text: Lam Wing Kee