上集講咗5位被評為「唔多靚」的港姐，也是比較近期的幾位，其實香港小姐的質素一直以來都是不穩定，間中就會「爆大冷」，可能真係評判們的審美觀不同吧！不過都係果句，能代表香港的「香港小姐」，點都要有返咁上下美貌吧？如果香港大比數人都覺得唔多順眼，點可以代表香港呢？莫可欣 (1993年冠軍)
莫可欣一定係不少女人的公敵，因為佢mark住咗男神方中信，令不少女人心傷！其實莫可欣也是港姐的一個經典，方中信與她拍拖12年，但從冇想過要生兒育女，她「中獎」後也是等到肚子大才告訴方中信，令他大為震驚，足足要2星期才能接受事實，而方中信最後也遵守承諾，於生BB前2天正式與她註冊結婚。而方中信接受訪問時，也直言說莫可欣唔靚！連老公都咁講，好難怪被評為最醜港姐之一。不過話時話，雖然佢唔算靚，但的確性格好，連方中信都讚佢脾氣好，又忍得。對出名花弗的方中信都咁信用，真係超難得！而且莫可欣仲有一個優點，就係讀得書多，呢點好少人提，大家只會想到郭藹明讀書叻，最近就係麥明詩。其實莫可欣都係好高學歷，佢係免疫與分子生物學位兼工商管理碩士，仲精通英文、德文及普通話，就算冇美貌，都係有智慧的「香港小姐」！

李美珊(1986年冠軍)
被評為最醜姐的始祖就是李美珊，就算過了30年，還是會想起她！可能因為當年的港姐大部分都是十分漂亮，而且同屆靚到暈的吳婉芳成為3料亞軍，唯一輸蝕的是學歷。當時李美珊是紐約大學碩士名銜，仲要識十三國語言，結果成為港姐冠軍。對於30年前嚟講，碩士生真係好厲害！所以就算唔夠靚，學歷都贏晒！而且有時靚唔靚，係一種比較，李美珊同美若天仙的吳婉芳一比，真係立見高低，所以李美珊得獎後都冇加入娛樂圈。

向海嵐 (1998年冠軍)
好多網民都話向海嵐醜，也被評為最醜的港姐之一。但其實這位獲四料冠軍的港姐也不是醜到要被選為最醜港姐，只是有少少「鞋抽臉」。而且她演出的角色多是傾國傾城的美人，如果真係醜，導演應該也不會讓她做這些角色。她被評為最醜，一來可能她真的不夠漂亮，二來因為有傳聞她是靠黑勢力才得獎；有傳她的叔叔是香港永勝集團向氏老闆，又說她是王賢誌表姨，背後都是有錢有勢力人士。或許因為這些傳聞，令她的獲獎變得更沒公信力！

胡家惠 (2002 年季軍)
呢位港姐好少被人提起，可能因為佢只係季軍而唔係冠軍，所以都未必有人注意到她。不過當大家說向海嵐、陳庭欣、莊思明，連陳凱琳都話醜的時候，其實這位季軍胡家惠也是另類的選擇。她與林敏俐同屆，有女版「許愿」之稱，不過她的命水卻十分好，唔好理佢是否「許愿」咁既樣，佢當選後做過兒童節目主持，之後去了做空姐，2011年下嫁商人邱仲平，後來仲出任老公公司利駿的執行董事，估計夫婦二人身家過億。所以樣靚唔靚並唔係最重要，有時命水及際遇好重要啲！

林敏俐 (2002 年冠軍)
雖然好多人都覺得林敏俐唔靚，有「血盤大口」港姐之稱，而且身形十分大隻。但她的選美成績真的不俗，不單是3料港姐冠軍，參加2003年國際華裔小姐競選，也奪得亞軍。林敏俐的父親是黃色刊物《龍虎豹》始創人林國光；而表妹劉倩婷也是2009年港姐冠軍，可謂一門兩傑。2010年蕭若元爆出歷屆得獎港姐中有一位是變性人，而林敏俐成為了其中一位嫌疑者，當然沒有人知道真實答案。其實林敏俐履行了一年港姐責任，並演出了兩部電視劇後，便放棄了娛樂圈的機會，選擇回到美國加州繼續學業，並接手打理已故父親創立的ABC飲食集團。2012年林敏俐已嫁給拍拖8年的男友。