記得2016秋冬adidas Originals搵嚟中港韓男女神示範對比感街頭風嗎？眨下眼就要同冬天講bye bye，2017最新春夏系列cast依然強勁，請來陳奕迅、范冰冰、Angelababy、吳亦凡教大家潮著運動look。各位fans要留意啦，跟四位巨星學下點襯出NYC Look！
歌神Eason繼續留守為大家做神級示範。Eason一直予人佻皮又玩得的印象，今次佢著深藍色連帽外套就夠晒青春活力，紅色帽同胸前的紅色Originals logo勁match！下身運動褲雖然都係藍色，但係呢隻藍同外套的藍色唔同，絕對唔怕老套！

深藍紅色外套 $999深藍色運動褲 $599Superstar $699

Superstar熱潮仲未可以停住！Eason所著嘅鱷魚皮紋Superstar用上迷彩三間，成個look係咪令你諗起紐約街頭戴住大headphone嘅hip pop友呢？各位徘徊在運動風與斯文look之間的女孩子，其實呢兩種風格未必係互相矛盾，睇下范冰冰的示範就知道。上身先以長身T-恤打底，外面加多件企領衛衣，別有一番知性美，非常襯充滿氣質的冰冰，在乍暖還寒的春天著就最啱。藍色闊腳褲有活力之餘，又盡顯高挑身材，必定係must-have item！
長身T-恤 $359 企領衛衣 $499藍色寬腳褲 $499小鮮肉吳亦凡造型一向大膽前衛，今次春夏系列就以紳士造型示人。呢個look以灰色作爲主調，由頭開始灰：深灰紳士帽、銀灰色頭髮、淺灰色套裝。灰色外套 $699灰色運動褲 $699Superstar $699

去到鞋，Kris唔再灰啦，而係著上黑色麂皮Superstar。如果你想「抄考」一下佢呢個look，就千祈唔好漏咗副金絲眼鏡同條金鏈啊，要將紳士味道貫徹到底。Angelababy生完baby之後依然狀態大勇，著出少女味對佢嚟講完全冇難度。以兩條孖辮示人嘅baby著上純白色衛衣及白色短褲，內裏穿藍色all over leggings打底，無論去街抑或者跑步都一樣有型！白色衞衣 $559白色短褲 $259藍色Leggings $359
藍色白色呢個Originals經典不敗配搭絕對可以輕鬆carry，再加上Baby著上Superstar Metal Toe，銀光閃閃，充滿春日氣息！

Superstar Metal Toe $999

Text︰Ada Chan
Edit︰Joey Chen