過完個聖誕同元旦，又係時候迎接時候新年啦！唔好以爲慶祝農曆新年係老套啊，行年宵都可以係一個潮爆活動！維園年宵行到悶，不妨試下行喺海濱摩天輪下嘅中環年宵啦！中環年宵2.0 (Mart in Hong Kong)將於2017年1月24日起至27日(年廿七至年三十)，一連四日舉行。年宵市場分爲5個區，分別是互動遊樂區、生活品味區、餐飲美食專區、酒吧暢飲區同埋乾貨區，等小編同大家率先預告每個區有咩好食、玩、買啦。

1. 互動遊樂區「雞不可失 Rainbow In The Mart」: 懷舊攤位遊戲擲彩虹會融合科技，擲彩虹遊戲板將會透出五光十色，中央位置更會投影3D彩虹。獎品超級豐富，有30套東南亞來回機票、兒童電動車同燕窩名貴禮盒等。
*每次需1個代幣，所有代幣可於攤位內兌換，港幣10元可換得2個代幣。

2. 生活潮流區Homeless有實用又趣味的家品，年宵唔係淨係得cushion賣。旅遊達人杜如風創辦嘅FUNGOLIA當然係賣旅遊產品，更會推出主題t-shirt。皮革揮春杯墊係皮革產品店UG Street地下街的作品，為你屋企增添新年氣氛。

2. 餐飲美食專區18座狗仔粉除咗馳名狗仔粉外，更有火鴨翅等精選地道美食。今年係雞年，日本食鳥協會將帶來炸雞同燒雞翼。3. 酒吧專區
各地美酒將會齊集中環年宵，包括新加坡虎牌啤酒﹑德國paulaner﹑法國甜白酒等。

4. 乾貨區
新年又點少得各式各樣乾貨呢？謝霆鋒鋒味曲奇用來送禮就最適合不過，歐洲著名雪糕品牌DIONE雪條亦會到場。

中環年宵2.0將會係年廿七(1月24日)開幕，到時會有LMF炒熱現場氣氛。Supper Moment 更會喺年三十晚(1月27日)到現場同大家倒數迎接雞年！

Text: Ada Chan

Edit: Clarence Chan