Lifestyle·Fashion10.10.2017

5個方法 著珠片唔會娘

好多人都好怕著珠片,因為太閃真係唔易carry,感覺上又好似只係晚裝宴會先會著,見親都係明星們的珠片ball gown!其實珠片閃閃的又夠突出搶眼,如果懂得mix & match,真係一啲都唔會娘,仲好有型添!5個方法 著珠片唔會娘1. 襯中性look
近年masculine的西裝咁受歡迎,不妨試下加一件珠片的單品,例如珠片裙或珠片cardigan,可以點亮你的中性打扮,同時加添一點女人味!

5個方法 著珠片唔會娘2. 加一點金色
金色是流行的色調,其實不妨以珠片裙或褲襯一件vintage味道的tee,真係好有個性。或者在日常衣著上,加一點金色元素的配飾,例如手袋或鞋履,立時高貴了不少。
5個方法 著珠片唔會娘3. T-shirt與波鞋
唔想著到似去ball咁,其實以珠片裙或褲襯一件t-shirt加運動鞋,一下子把珠片tune down,但又比穿上普通裙子突出搶眼,good try!
5個方法 著珠片唔會娘4. 必備珠片褲
相對上衣,其實珠片褲較易carry及配搭,配一對有型的短靴,又或者高跟鞋也可,不經意的一件t-shirt及大褸,已經好有型。
5個方法 著珠片唔會娘5. 恤衫配
硬身的珠片已經有一定的厚度,如果再配上有volume感的單品,會令人顯得肥大,而且沒有線條美;反觀配一件輕柔的恤衫就最適合不過,而且軟硬配搭,形成一種contrast感。
點解要著珠片?因為流行囉!珠片時裝不單在這個秋冬大放異彩,而且更延續至18年春夏,買定件百搭的珠片單品,由秋冬著到春夏,真係型足全年!如果你還未接受到珠片服裝,可以先考慮從珠片配飾入手,一樣搶眼!

Sequins Items: