無套無愛!5句說話讓他乖乖戴套 | 旭茉JESSICA


Hot key words



主頁 / Lifestyle / Sex / 無套無愛!5句說話讓他乖乖戴套

無套無愛!5句說話讓他乖乖戴套

Lucy Lamb2018-04-06

對於行房要戴套,男人總係有成千上萬個回絕嘅理由,例如話大家都無性病唔使戴、又或者你都食緊避孕藥啦唔使戴、有人會話自己戴咗起唔到機、甚至會話戴套等於唔信任佢唔愛佢。
如果有男生真係戴咗個套就起唔到機,真的要在此深表遺憾,因為正常男人係唔會受個薄薄嘅安全套影響弟弟的反應。有問題嘅唔係個套,係佢本人哦。其實大家都明知係藉口,只係女仔唔知點應付啫,以下5句,好好記住喇。

哈哈哈 你講笑咋嘛!
好多女仔為咗迎合男仔,即使明知唔安全都服從男生。要記住,男生要求唔戴套只有兩個原因,一係你哋想生仔,二係佢純粹為咗一己私慾,置你嘅生理健康於不顧。食藥或者生理期係可以防止懷孕,但性病係防唔到架。

一係戴介指囉
雖然有啲黑色幽默,但要男生喺戴套同戴介指之間揀,男生通常都會搶著自己乖乖戴套就位。

直接著褲走
乜都唔使講,直接著褲走,以表達你對安全性愛嘅堅持。再講一次,戴套係唔會影響男性勃起或高潮的,所以千祈唔好見佢楚楚可憐,話自己無法享受你就心軟,或者怕破壞關係而就範。

門口喺嗰邊
如果佢繼續堅持的話,又係喺你地頭的話,亦可以禮貌地請佢離開。通常講完呢句,就會開始打得火熱嘅一夜。

萬中無一
有啲男生會言之鑿鑿咁話自己對乳膠敏感,但世界上對乳膠敏感嘅人,同周星馳喺功夫入面個角色一樣咁萬中無一,如果佢堅持自己就係咁萬中無一,咁唯有話:「今晚你都係萬中無一無得愛愛嘅慘慘豬了。」