唔少港人都鍾意食龍蝦，尤其大大隻的波士頓龍蝦更加吸引。不過，原隻大龍蝦的價錢並不平，在高級餐廳吃動輒要花數百元，如果只需港幣$99就可以食到原隻龍蝦意大利飯，係咪好吸引先？
由港人主理的意大利餐廳Oggi充滿大自然風，提供傳統意大利菜，亦有配合香港人口味的新派菜式， 甜品更添加中國元素。大廚Tim Ng入廚經驗超過十年， 曾在多間高檔西餐廳及酒店工作，擅長設計健康意大利菜。他亦曾於素食店任掌廚，熟知為蔬菜提味添色。
餐廳近日推出龍蝦意大利飯配蟹黃忌廉汁，以原隻鮮龍蝦熬製的湯製成，啖啖鮮味，飯粒用海鮮汁煮到8 成熟，最後再加入多款調味料，豐富飯粒的食味！ $99
由龍蝦精華製成的法式龍蝦湯質感滑稠，味道濃郁。湯可以根據自己喜好，倒進放好配料的碗內。 法式龍蝦湯 $68
松露野菌忌廉湯除了散發濃烈的忌廉香味，每口還啖啖蘑菇和黑松露碎，很有咬口。 松露野菌忌廉湯 $62
紅棗杞子雪耳寒天深得女士歡心，因為寒天是紅藻破壁技術的萃取物，卡路里低，含大量天然纖維質，可減少醣分和膽固醇的吸收，配上養顏的紅棗，明目的杞子及滋補的雪耳，吃了也不怕肥。 $52
慢煮三文魚柳配芥末籽忌廉汁，以43度低温慢煮30分鐘，鎖緊三文魚鮮味，提升了魚的口感，肉質保持嫩滑，魚油甘香。 $178
羽衣甘藍, 蜜桃及牛油果沙律配橙油醋汁，營養價值高，橙油醋汁的橙香味可以令羽衣甘藍本身的澀味減退。 $78
Oggi
地址：天后水星街9-11號鉅利大廈地下B舖