《29+1》女性電影抬頭 周秀娜、欣宜、彭秀慧金像獎提名發圍 | 旭茉JESSICA


Hot key words



主頁 / Leisure / Gossip / 《29+1》女性電影抬頭 周秀娜、欣宜、彭秀慧金像獎提名發圍

《29+1》女性電影抬頭 周秀娜、欣宜、彭秀慧金像獎提名發圍

Lam Wing Kee2018-02-09

今屆《香港電影金像獎頒獎典禮》以《明月幾時有》憑11個提名成為最多提名的電影,其次是分別獲9項提名的《殺破狼.貪狼》及《相愛相親》。至於女性主導的《29+1》亦有7項提名(「最佳導演」(彭秀慧)、「最佳編劇」(彭秀慧)、「新晉導演」(彭秀慧)、「最佳女主角」(周秀娜)、「最佳女配角」(鄭欣宜)、「最佳原創歌曲」(《Fake a Smile》)及「最佳原創電影音樂」(黃艾倫、翁瑋盈)),其中周秀娜、欣宜、彭秀慧均是初次角逐金像獎獎項。

打入2017年香港電影十大最高票房的《29+1》可謂叫好又叫座,今次獲得金像獎多項提名(最佳導演、最佳編劇、最佳新晉導演),導演彭秀慧說:「好開心、好意外,見到有咁多提名,對我嚟講係非常之驚喜;某程度上我預咗周秀娜會入圍,當欣宜一齊入圍女配角時,我好興奮。另外仲有原創音樂同主題曲,我係好希望佢哋得到認同,佢哋順利入圍我開心到喊;至於我個人獲得三個提名,真係太意外,好耐冇試過呢種興奮嘅感覺,入圍已經係一個肯定,多謝投票俾我嘅朋友,我會隨遇而安,繼續準備好《29+1》舞台劇。」

在片中飾演「林若君」、第一次提名「最佳女主角」的周秀娜表示:「好開心,真係多謝!我冇諗過自己會咁激動,絕對係呢個新年最好嘅禮物!本身係希望《29+1》有多啲提名,更開心係導演、欣宜都獲得提名,我好想恭喜佢哋。Joyce打俾我時我都知咩事喇,本身冇咁激動,但不斷收到恭喜訊息就愈來愈感動!最開心係整個團隊有唔少提名,我要多謝《29+1》工作人員,因為佢哋付出咗好多,我哋先有呢部作品帶俾大家。」

競逐女配角的欣宜說:「記得拍攝時係做緊歌曲《女神》同《Joyce》呢隻碟,我同導演彭秀慧講,死啦,我唔係演員,好驚,佢俾咗好多信心我。佢喺我心目中係最佳導演,如果唔係佢,我唔會有信心去做到黃天樂呢個角色。我完全冇諗到會得到提名,所以覺得呢件事好癲、好癲呀!」

其實,《29+1》在多個不同國家的影展都得到唔少獎項,如台灣的《高登電影獎》(華語電影),《29+1》獲選為「華語電影最佳改編劇本」(彭秀慧),周秀娜更壓倒勁敵《玉觀音》的惠英紅和《相愛相親》的張艾嘉等,贏得「華語電影最佳女主角」。而在《第24屆香港電影評論學會大獎》中,《29+1》亦獲選為「推薦電影」。

Text: Lam Wing Kee

Tag:

Other Articles