3位萌爆人氣星B,你覺得邊個最可愛? | 旭茉JESSICA


主頁 / Not-found / Gossip / 3位萌爆人氣星B,你覺得邊個最可愛?

3位萌爆人氣星B,你覺得邊個最可愛?

Catherine Ko2018-06-26

 娛樂圈有唔少女星已經榮升媽媽級,而且個個星B都得意到暈。她們更不時在IG上傳B仔、B女嘅可愛照,俘虜了唔少網民嘅心,成為他們心目的小偶像。唔知呢3位得意星B,邊個最得你歡心呢?

 

1.重磅巨B — Jessica C 兒子(Elvis)
今個月19日,Jessica C順利誕下一名8.8磅男嬰(Elvis),老公安志杰(Andy)和2歲家姐Tessa都有在醫院等候Elvis出世!出名廿四孝老公的Andy,今次更為太太和兒子推掉幾個工作來陪伴和照顧他們,認真唔話得。Andy透露太太入產房十幾分鐘,BB已經出世,非常順利!Andy更提及當兒子出世那一刻,自己感到非常surprise,因為想也想不到Elvis竟重8.8.磅,身長53cm,就連醫生都話勁!可能Elvis遺傳了爸爸、媽媽的模特兒基因,說不定長大後還會比爸爸高大威猛。Jessica C話女兒Tessa第一眼見到細佬,已經情不自禁地不停錫他,又好細心take care細佬。相信Tessa一定會是位稱職的家姐,把Elvis照顧得相當妥當。
    
  

121
121
121
121
121
121

2.表情多多 — Yumiko 女兒(梁浸浸)
現年3歲的梁浸浸(Avery),一出世已經成為網民心中的小女神。媽媽Yumiko 經常在IG上傳Avery的萌照,表情多多的她經常在拍照時,擺出多個萌爆樣子和pose,學足媽媽的一舉一動,成功俘虜不少網民的心。Yumiko更為這位小星B開了個人IG account,她的follower人數絕不比媽媽遜色!Avery年紀還少,暫不時常上學,所以經常黏著媽媽周圍去。Yumiko身邊的好姐妹阿嬌、阿Sa、容祖兒等,都視Avery為小公主,對她寵愛有加,就連阿嬌結婚時,她都充當著花女這個重要位置!Yumiko 亦不時相約好姐妹黃伊汶一齊飛去外地旅行,所以Avery和黃伊汶兒子(陳真)都十分老友,經常充當著大姐姐照顧比她小一歲的陳真。時尚潮人Yumiko 在2015年開創了自已的時裝品牌,並推出《why so cute》童裝系列,Avery當然是該系列的代言人啦,人仔細細的Avery和媽媽一樣咁識擺pose啦!
    

3.眼仔碌碌 — 胡杏兒 兒子(Brendon)
胡杏兒在2017年生下兒子Brendon,現年只得8個多月大的他,面仔圓圓,眼仔大大,可愛到暈。經常不經意擺出一副萌爆樣子,逗得媽媽和爸爸開心大笑。當Brendon出世後,杏兒都好識分配時間,盡量把時間留給兒子,不想錯過兒子每一個成長時刻。Brendon可謂受盡萬千寵愛,皆因媽媽有「胡說八道會」這班好姐妹,令Brendon同時有5位靚靚契媽,人仔細細已經艷福無邊,認真利害!日前,胡杏兒出席電影宣傳活動時接受媒體訪問,笑言Brendon最近出了兩隻牙仔,現在好似條鯊魚咁,見到人肉就咬。睇見胡杏兒一提起兒子的近況,都會顯得分外開心,唔知她和老公會否為Brendon增添多一位妹妹或弟弟呢?
    

呢3個萌B都咁可愛,相信長大後都好有吸引力。唔知你覺得邊一個星B最可愛,能夠俘虜到你呢?

 

 

Photo: 網路圖片、Instagram @myoliemyolie、@yumiko.cheng、@andyonimal、@avery.leung

Other Articles