農曆年指定節目!嚴選5套笑到標眼水的經典賀歲片 | 旭茉JESSICA


Hot key words



主頁 / People / Gossip / 農曆年指定節目!嚴選5套笑到標眼水的經典賀歲片

農曆年指定節目!嚴選5套笑到標眼水的經典賀歲片

Catherine Ko2019-01-23

又到新年啦!除咗去拜年之外,其實有唔少人都會趁著這個時候,留在家中好好享受這三日假期。瞓到自然醒、煲劇、睇戲等都是假期必做的事。講到睇戲,又點可以唔睇返啲經典賀歲電影嚟應吓節呢?唔知你最鍾意以下哪套戲?

 

星爺經典 — 《家有囍事》(1992年)
講到經典賀歲片又點少得星爺嘅《家有囍事》呢?唔少經典場面還歷歷在目,每句對白都仲可以讀返出黎。該戲由星爺、黃百鳴、張國榮、張曼玉、吳君如及毛舜筠領銜主演,總票房刷新了當時香港票房紀錄,認真利害!該戲的每一幕都帶給過好多笑聲俾大家,而且有著很多無厘頭但惹人發笑的對白,更成為現時開玩笑常用的名句。例如星爺的病症名稱「無定向喪心病狂間歇性全身機能失調症」、他和張曼玉的接吻名「巴黎鐵塔反轉再反反轉」等經典橋段。
 

121
121
121
121

群星雲集 — 《行運一條龍》(1998年)
該片由周星馳、鄭秀文、舒淇、吳孟達、陳曉東、葛民輝領銜主演,粒粒大星。近排陳曉東又為3月個唱頻頻亮相做宣傳,一眾fans又點可以唔重温一下東東年輕時嘅演出呢?故事中分別有三條感情線,其中最令人有深刻印象的一對情侶,一定是星爺和Sammi!而「年初四咁嘅樣」這句經典對白,都係出自這套經典賀歲電影。如果你唔記得星爺在戲中所飾演的「蛋撻王子」,點樣教身邊人拍拖的話,今個新年又點可以唔重播多次呢?
 

發個新年財 — 《嚦古嚦古新年財》(2002年)
每逢新年去拜年,大家一定會打下麻將應下節。講到最好笑又以麻將為主題的賀歲電影,一定是由杜琪峯和韋家輝執導,劉德華、劉青雲、梁詠琪、古天樂及應采兒領銜主演的《嚦古嚦古新年財》啦。如要數該片最令人留有印象的一part,一定是梁詠琪在戲內要以潑辣、無牌品來飾演劉德華的女朋友,然後要跟劉德華的媽媽打麻將,但最後打到翻曬枱。唔知你有沒有遇過沒有牌品、輸錢然後拍曬枱的麻將對手呢?小編真係試過!
  

天王巨星 — 《八星報喜》(1988年)
《八星報喜》匯聚多位電影巨星如周潤發、張學友、鍾楚紅、鄭裕玲等等,成功打入1988年香港電影票房的第一名。這套戲是當年第一套找來很多明星來過場、客串的賀歲電影,而這個拍攝手法亦都流傳至今,《家有囍事》、《七十二家租客》、《賭城風雲》等都是以《八星報喜》的拍攝形式來作籃本。今個新年想再一次重温發哥發放笑蛋,咁你又點可以錯過呢套賀歲片呢?
  

人才濟濟 —《行運超人》(2003年)
該片由影帝梁朝偉、影后楊千嬅、鄭中基、杜麗莎、杜汶澤領銜主演,亦是嘉禾電影於香港最後一套拍攝的賀歲檔期上映的愛情喜劇作品。梁朝偉雖然大多拍攝警匪片、文藝片,但他拍起喜戲來都好好笑,再加埋千嬅呢個係唔係都笑一餐嘅「大笑姑婆」,就令到整套電影產生了很多笑位。不過小編當然唔會劇透啦,如果大家想重温返啲笑點,就趁今個新年睇多次啦。
  

唔知大家揀咗邊套經典賀歲片,喺今個新年同朋友一齊笑住重温呢?

 

 

Edit:Joey
Photo:網路圖片、電影截圖

Other Articles