歐鎧淳、劉俊謙示範街頭情侶裝 | 旭茉JESSICA


Hot key words



主頁 / Fashion / Fashion News / 歐鎧淳、劉俊謙示範街頭情侶裝

歐鎧淳、劉俊謙示範街頭情侶裝

Lam Wing Kee2018-08-06

著情侶裝好老套?歐鎧淳和新晉男神劉俊謙就示範如何正確著街頭情侶裝。 平日勤於練習的歐鎧淳,大部分時間都係著運動衫。今次為bossini與Coca-Cola的聯乘系列拍攝宣傳照,就特別嘗試了街頭風造型,更以型格的smoky eyes眼妝示人,令人眼前⼀亮。而外表散發書卷味的劉俊謙其實內藏結實肌肉,閒時鍾意做運動的他,拍落女飛魚都絕不輸蝕。拍攝時間更即場發揮創意,以冷凍的Coca-Cola擺出多個有趣姿勢,逗得歐鎧淳哈哈大笑。


今次服裝設計以紅、白、黑三色為主調,歐鎧淳大讚拍攝其間穿著印有Coca-Cola字樣的連身裙:「為咗方便訓練,我大部分時間都係著運動衫。但呢條one-piece唔單只有運動衫嗰種舒適,款式仲非常百搭易襯,我以後襯衫就多個選擇啦!」今次「男主角」是有新晉「男神」之稱的劉俊謙,被喻為視壇新貴的他擁有豐富舞台劇演出經驗,近年更由舞台轉戰電視圈,獲得極大迴響。拍攝當日更賣口乖高呼:「正啊!我好鍾意飲可樂㗎!唔使拍劇嗰陣,我最鐘意做運動,做完運動就會飲返罐可樂奬勵自己。做運動可以令我釋放壓力,放鬆過後令我精神更加集中去迎接挑戰。呢個系列入面,我最鍾意呢件全紅Coca-Cola logo tee。」


拍攝當日天氣酷熱,但兩位亦毫無怨言,非常專業。拍攝期間,劉俊謙將冰凍Coca-Cola當成道具,擺出多個有趣姿勢,逗得歐鎧淳哈哈大笑。搞笑過後,兩人迅速在鏡頭前扮演情侶,並於短時間內超額完成所有拍攝。


編輯熱選:

Tag:

Other Articles