編輯部推介!3款聖誕派對至sweet甜點 | 旭茉JESSICA


主頁 / Not-found / Wine & Dine / 編輯部推介!3款聖誕派對至sweet甜點

編輯部推介!3款聖誕派對至sweet甜點

Esther Chan2016-11-28

每個人都想聖誕節過得甜甜蜜蜜,有甚麼好得過和你至愛的人一起分享美食?編輯部推介以下3款超sweet甜點,既可以給你冬日窩心感覺,又適合開party同朋友分享。


三種食法 — 法國御廚DALLOYAU

由法國皇室御廚起家的DALLOYAU,今年聖誕推出人手製造的gluten-free軟心朱古力蛋糕。由62%黑朱古力豆製成,跟隨了歐美近年最流行的飲食潮流,使用了無麩質的成分,小朋友食都唔驚過敏!

這個Choco Tempting仲可以一次過滿足你三個願望︰常溫享用的話蛋糕比較鬆軟,朱古力味甜而不膩;冷藏之後享用,蛋糕質感會變得結實,好像吃了一整片朱古力;用微波爐以高火力 (800W) 加熱約30-45秒,就會變成濃郁的軟心蛋糕。


人氣之選 — 聖誕限定Garrett
要數香港的超人氣小吃,Garrett肯定有份。今次推出限定節日秘方,在招牌焦糖爆谷外層再包一層朱古力醬,牛油香味+焦糖脆脆+香濃朱古力,真係無得輸!

Garrett其中一個最特別的地方就係個招牌大鐵罐,今年聖誕有特別版禮「罐」︰2016年聖誕禮罐及載譽歸來的招牌飄雪禮罐都非常別樹一格,送禮或聖誕party時放在家也很應景。


本土情懷 — 童話feel奇華禮盒
奇華禮盒過年過節就收得多,聖誕版奇華禮盒你又收過未?這個聖誕禮盒以雪白聖誕作背景,配上紅色城堡和胡桃夾子,超有童話feel!內有超人氣的黑白芝麻蝴蝶酥、紅莓牛油曲奇、杏仁片朱古力曲奇和手製鳥結糖。有聖誕氣氛之餘亦保留本土味。
除此之外,奇華還推出了超sweet的情侶熊貓曲奇禮盒,包括造型可愛的聖誕熊貓有朱古力同士多啤梨兩隻味,送俾情侶就啱哂。


Text:Esther Chan
Edit:Joey Chen

Tag:

Related Articles
Other Articles