【叱咤樂壇頒獎禮】盤點11位衣著出眾女星 | 旭茉JESSICA


Hot key words



主頁 / People / Gossip / 【叱咤樂壇頒獎禮】盤點11位衣著出眾女星

【叱咤樂壇頒獎禮】盤點11位衣著出眾女星

Catherine Ko2019-01-02

「叱咤樂壇頒獎典禮2018」昨晚經已圓滿結束。當晚最爆嘅事一定係古天樂奪得「我最喜愛男歌手」獎項,他更突然現身拎獎,令全場樂迷陷入興奮狀態,拍爛手掌!他得獎後更笑說:「我真係好鍾意唱歌,不過我唔識唱!」,古仔更即興拉埋同場嘅容祖兒、謝安琪、張敬軒、麥浚龍一齊上台,大開金口唱「男朋友」!唔知古天樂接過今個獎項後,有沒有令他想復出樂壇呢?除了獎項名單值得留意之外,各女星的衣著打扮都好值得留意。

121
121
121

全場最紅 — 容祖兒
容祖兒入行20年,由1999年的《不容錯失》一等再等,終於憑著《心之科學》,奪得她最想得到的「至尊歌曲」大獎,當她在台上攞獎後,還禁不住哭了出來。Joey 當晚身穿Oscar de la Renta的紅色長裙再配上一對白色高跟鞋,十分突出又高貴,盡顯樂壇天后的氣質。

121

罕有性感 — Gin Lee
Gin的衣著打扮一向都好密實,甚少性感。不過今次Gin無懼嚴寒天氣,以一條deep V黑色長裙現身。裙身的deep V 位置,以幾條金屬裝飾來點綴整體造型,特別得來又不會過於賣弄性感,時尚感十足。

大方典雅 — 鍾舒漫
鍾舒漫特別梳了這個極具古典味的髮型,來配上這條大方典雅的黑色裙子,整體造型看起來十分高貴。這條裙不單只有典雅feel,同時亦有時尚感。鍾舒漫還戴上很多閃到爆的飾物來match返條裙,好像貴婦一樣,大方又得體。

王菲影子 — 譚嘉儀
譚嘉儀呢身不對稱的搭配方式,再加上這個「一支支」的髮型,好有王菲以前的穿著影子。雖然造型十分浮誇,整體顏色十分鮮艷,譚嘉儀輕易駕馭得到,不會覺得奇怪。

有型人妻 — 方皓玟
靚媽兼人妻方皓玟昨晚以特別剪裁的黑色西裝套裝,配黑色鈕扣tube top造型現身,有型得來又有時尚感。小明懂得利用特別的cutting來突顯自己的整體造型,十分聰明。2018年6月先誕下一名BB的小明,身材沒有走樣之餘,好似仲靚咗、精神咗,keep得真係好,認真利害。

人肉雪梨紙 — 謝安琪
聖誕節剛剛結束,Kay這身造型,令人不禁聯想到聖誕節交換禮物時,一定會喺禮物入面見到嘅雪梨包裝紙。而Kay身穿這條裙就好似一大舊黑色嘅雪梨包裝紙......唔知Kay係咪想環保,利用在聖誕節時收回來的禮物,入面嘅雪梨包裝紙來循環再造出這條裙呢?

「樂壇戰士」 — AGA
AGA以一條長身jumpsuit,再配上白色圍巾和boots現身,可惜整體造型的時尚感欠奉。驟眼看這身造型,唔知大家會否聯想起某些動畫戰士造型呢?難道AGA想在香港樂壇想做「樂壇戰士」?其實她可以把這條jumpsuit 襯上淨色長身外套,令整體造型變得簡簡單單,那已經好看多了!

「娘」味中國風 — 龍小菌
龍小菌這身「娘」味極重的中國風造型,一出場已經令人睇到「眼突」。小編估計龍小菌想以中國風做主題,但又想當中帶點時尚感,可惜出來的效果不如理想......完全九唔搭八。如果這個造型的下身轉了短裙,再紮返兩個髻,就會變成《街頭霸王》中的春麗......

多咗個袋 — JW
JW罕有地穿上deep V bodysuit配上白色流蘇短裙大show「事業線」。 雖然造型很有突破十分性感,不過點解要加個圓形大袋係腰間呢?個袋又唔襯套衫,除咗可以袋吓電話、唇膏之類,其實呢個咁突出嘅大袋,加在造型上真是十分多餘......

童話書的僕人 — 陳蕾
好多經典公主童話故事入面,一定會出現幾位服侍主角的女僕人,而她們的衣著其實跟陳蕾這身造型沒差。陳蕾身上的兩色透視長裙,nude色的外層把另一種色的底層透出,而透出部分有點似廚房圍裙......令整個造型看起來就好似童話故事入面身穿廚房圍裙嘅女僕人......

小性感 — 鄭欣宜
係人都知欣宜完全不介意別人的目光,最愛做返自己,今次示人的造型亦不例外。她不怕嚴寒,穿上bra top配西裝外套和黑色西褲,大show小性感!造型上除了極具性感美,仲好有型,好有霸氣。

其實靚同唔靚都係一件好主觀嘅事。唔知大家對以上女星嘅衣著配搭又有甚麼意見呢?

 

 

 

Edit: Joey 

Photo:網路圖片

Other Articles