對抗炎夏!必玩水上活動歎全Day | 旭茉JESSICA


Hot key words



主頁 / Lifestyle / Leisure / 對抗炎夏!必玩水上活動歎全Day

對抗炎夏!必玩水上活動歎全Day

Goosie Lam2017-09-13

有冇試過難得放假山長水遠去到海灘諗住游吓水,點知人多到個海插針都插唔入,乜嘢holiday mood都無晒啦。喺澳門就唔同喇,80萬平方尺呀,你想點玩都得! 澳門銀河最吸引嘅係乜,梗係佢個天浪淘園啦,80萬平方尺,勁認真舖咗150米長嘅白色幼沙,仲有個勁大浪嘅衝浪池,同埋全球最長575米空中激流。仲嫌唔夠正?如果喺香港,有個咁正嘅沙灘,唔係堆滿晒想游水曬太陽嘅人,就係想影張相呃like但唔落水嘅人。



編輯熱選:

懶洋洋踢踢水 15分鐘Lazy River體驗 唔識游水?唔緊要,拎個水泡跳落去全球最長、575米嘅Lazy river,官方名叫做空中激流,英文名係Skytop Aquatic Adventure River,但我覺得叫lazy river啱啲囉。


因為只要跳咗落河,緩緩嘅水流就會帶住你慢慢遊遍成個天浪淘園,基本上你只需要懶洋洋咁踢踢水,15分鐘後就會回到原點。幸運嘅話,你可能會遇到美人魚喺你身邊遊過架。


編輯熱選:

涼浸浸雪碧沖身 趁住暑假,銀河專登喺天浪淘園整咗部超巨型雪碧汽水機。編輯實試,大熱天時嬉完水上岸,按一下個出(汽)水板,冰涼淡水一湧而下,感覺好似企喺天然瀑布下面咁,由頭到腳淋浴嘅激爽力量呀,感覺超爽。

煲劇又得 按摩又得 唔想玩水,無問題,同樣為暑假而設嘅七彩屋仔Beach Hut,裡面有晒沙灘椅,而且酒店wifi超強,你鍾意喺屋仔拍live又得,煲劇都得。覺得攰嘅話,你仲可以叫therapist嚟幫你按摩。媽呀,諗起都覺得歎! 天浪淘園 Grand Resort Deck 全日通2人套票:MOP888 *酒店住客免費入場(「百老匯酒店」住客除外) 地址:澳門銀河路氹綜合度假城 電話:+853 2888 0888


編輯熱選:

池畔燒烤live music夜 成日都覺得,有個咁正嘅泳池,如果旁邊有BBQ,又可以摸吓酒杯底,咁就正喇!啱啱收到風,銀河入面其中一間酒店,澳門JW萬豪酒店的「池畔酒吧」最近就推出池畔燒烤暢飲推廣。除咗東南亞小食包括泰式香辣豬肉伴粉絲沙律、辣肉腸魷魚沙律、凍肉拼盤、特色芝士拼盤,仲有一系列燒烤美饌,例如木烤雞、香烤牛柳、葡式香腸、西冷牛扒、沙甸魚及燒汁烤大蝦等,自助餐嚟架!一邊聽住live music,一邊欣賞專業調酒師喺open bar表演調酒,堅係享受。

池畔酒吧「池畔夏夜 悠然時刻」 供應期:逢周五及周六 18:00-22:00 成人:MOP298(包自助晚餐及兩杯飲品) 女士免費入場,無限暢飲精選特調飲品 *上述價格須加10%服務費及5%旅遊稅 電話+853 8886 6228


編輯熱選:

Tag:

Other Articles