極速收小腹!每日30分鐘跟肚腩說再見 | 旭茉JESSICA


Hot key words



主頁 / Not-found / Health & Fitness / 極速收小腹!每日30分鐘跟肚腩說再見

極速收小腹!每日30分鐘跟肚腩說再見

Goosie Lam2017-03-04

天氣終於回暖,再無藉口唔做運動啦!今晚happy friday完早啲瞓,聽朝一早最適合做一啲輕量腹部運動!都係嗰句 #nogymnoproblem,無論你係想減肚腩定係練成人魚線,只要舖張瑜伽墊,喺屋企一樣可以做得到!以下30分鐘練習,每組動作重覆8至10次,如果做完小腹都無感覺嘅,歡迎自行增加rep數!

1. 坐於墊上,上身向後傾斜45度,下腹與墊間緊貼。 2. 雙腳緊貼並向上抬起,上身同時再向後傾,以達平衡狀態。 3. 雙手向前伸,以下腹為支點及中心,將上下身體向中心摺疊。 4. 記得收緊腹部及保持呼吸,不要閉氣。 5. 重覆以上動作8至10次。

1. 先來bicycle crunch,右腳屈膝提起,同時左上身向上提起,並盡量將右膝與左手踭貼近。 2. 記得收腹並保持呼吸,以下腹為支點,提起上身時盡量要想著將左邊膊頭提起,而非僅將頭及頸提起。 3. 回復到平躺狀態,再來toe touch crunch,左手和右腳均伸直,同樣以下腹為支點,右手盡量與右腳腳指貼近。 4. 若覺得右腳筋拉扯,可稍微屈膝。 5. 重覆以上動作最少8至10次。

1. 做完左手右腳記得轉往右手左腳,同樣先屈膝做bicycle crunch,再接著toe touch crunch。 2. 記得這練習是針對肚腩,做動作時亦要想著運用腹部肌肉,不要使用蠻力或身體擺動的力量完成動作,免得弄傷筋腱。 3. 動作同樣重覆8至10次。

1. 先側身躺於墊上,雙腳上下緊貼,並以右手踭撐起上身。 2. 左手向上打開至與身體成水平,維持2秒。 3. 左手向下收回,身體與雙腳同時向地下方向轉動,左手慢慢轉入身體與墊至間的空隙。 4. 重覆以上動作8至10次。 5. 初學者可以將支撐點由腳掌轉至膝頭,轉動時身體容易因就力而屈曲,記得任何時候都將身體保持平直。

1. 同樣記得於另一邊重覆動作8至10次,以免到頭來左邊身有三塊朱古力,右邊卻仍然是一團水泡,哈哈!

1. 先用手踭維持elbow plank動作。 2. 一次一隻手的伸直,將上身撐起成high plank。 3. 提起右手並向上伸展,身體與雙腳同時配合向上轉動,直至右手置於左手上方並與身體成水平,成side plank。 4. 右手回到墊上,回復high plank狀。 5. 接著左右手逐一屈曲,回到elbow plank。 6. 重覆2、3及4動作8至10次。 緊記!每套動作做完左邊一定要做右邊,否則練到邊大邊細,真係不知點算好! Text > Goosie Lam Source> instagram@Camila Goper