傑運女將變女神!你like熱汗定靚妝 | 旭茉JESSICA


Hot key words



主頁 / Beauty / Makeup / 傑運女將變女神!你like熱汗定靚妝

傑運女將變女神!你like熱汗定靚妝

Goosie Lam2018-03-27

做女仔有邊個唔貪靚嘅啫?無論係前日喺香港傑出運動員選舉再奪「星中之星」大獎嘅李慧詩,定係大前日重登桌球壇世界一姐嘅「四眼cue后」吳安儀,佢哋兩個喺比賽場以外,都係一個貪靚嘅女仔嚟架!


記得兩年前同「四眼cue后」吳安儀訪問,佢啱啱第一次拎世界冠軍,佢話自己當初之所以會喜歡打桌球,除咗爸爸嘅影響之外,其實係有少少因為鐘意套紳士服,因為套制服好有型好cool,可想而知安儀佢幾注重自己嘅造型!最近佢仲同一個品牌合作,除低眼鏡同埋紳士服,換上一身白裙,仲化咗個淡淡嘅靚女妝,散發令人心心眼嘅小清新呀!



編輯熱選:

至於女車神,上年11月亦接受過我哋訪問架。Sarah話佢自己都好貪靚架,平時好鍾意著裙啦,對自己嘅衣著打扮都好有要求啦!前日傑出運動員頒獎禮,佢好朋友余翠怡仲漏咗口風畀我哋知,話Sarah朝早專登打電話問佢借直髮夾添。睇吓佢幾重視自己嘅造型,同埋個頒獎禮!


編輯熱選:

其實做運動員都有休息吓、扮吓靚嘅時候。畀你揀,你鐘意比賽場上嘅「女車神」同「cue后」,定係佢哋嘅靚妝look呢? Text > Goosie Photo > internet, Sarah Lee Wai Sze & Ng On Yee Facebook

Tag:

Other Articles