【今期流行】女星出海熱玩滑水 邊個玩得有姿勢有實際? | 旭茉JESSICA


Hot key words



主頁 / Not-found / Gossip / 【今期流行】女星出海熱玩滑水 邊個玩得有姿勢有實際?

【今期流行】女星出海熱玩滑水 邊個玩得有姿勢有實際?

Ginex Wong2018-08-03

7、8月的天氣每日平均高達30°C,天時暑熱當然要接觸下水上活動,唔少女星最近就選擇了出海玩無繩滑水(Wakesurfing)。這項活動其實早在外國流行,近一兩年才引入香港,無繩滑水比我們平時認識的花式滑水較簡單和易操控,女生初學都好易上手,加上近來有咁多女星熱玩,好似有容祖兒、阿Sa、陳瀅、何超蓮和吳千語等,當中有啲玩起嚟有姿勢有實際,水著裝束仲好有睇頭㖭,不如睇下佢哋玩Wakesurfing嘅技術又如何?


初級BB班:容祖兒、阿Sa

樂壇天后容祖兒早前第一次試玩Wakesurfing,見佢玩得非常小心心翼翼,一路手持連接快艇的繩,背後仲不斷有人提點佢嘅動作姿勢,Joey穿上救生衣包到密密實實,連佢都忍唔住留言取笑自己穿著一身不專業的打扮,雖然最後都失去平衡跌落海,但其實以第一次嘗試來說已玩得非常不錯啦。

相對另外一位同Joey非常老友的阿Sa蔡卓妍,就無咁好彩,阿Sa於第2次挑戰Wakesurfing時不幸被滑浪板撞傷額頭,傷口見血又紅又腫,之後仲要去醫院縫針,真係我見猶憐。唔少粉絲見到受傷嘅阿Sa都留言大叫心痛,不過阿Sa就似乎唔太擔心,表示就算傷口留疤都唔驚,之後仲會繼續再玩Wakesurfing,非常之有體育精神!


力求進步班:陳瀅 

另外兩位keep住練習Wakesurfing的有陳瀅和蔡思貝,只見陳瀅由初時需要用繩保持平衡滑水,到之後已不需用繩索輔助,仲可以邊玩邊舉高雙手擺出勝利姿勢,佢仲留言話:「fell in love with wakesurfing immediately」、「again and again」,而水著裝束上亦看到陳瀅每次越穿越輕盈,初次試玩時做足安全措施,上身包著密實救生衣;第2次穿著一件頭,印上星星圖案包裹兩隻手臂的泳裝,到之後已經可以選擇穿回背心泳衣玩wakesurfing啦!

乘風破浪班:何超蓮、吳千語

講到玩Wakesurfing已經可以駕輕就熟的有何超蓮和吳千語,只見超蓮玩Wakesurfing時主動拋開繩索,玩的時候仲可以用雙手整理自己的頭髮,大叫:「遞支水比我飲啖啦」,完全唔怕失平衡跌落水,看來已經練習了一段時間,日子有功!最後就有高手中的高手吳千語,千語BB原來上年已經開始玩Wakesurfing,到宜家已經擁有高超的技術,見佢在滑浪板上自然的隨住海浪左右擺動玩不同的花式,是真正的乘風破浪,加埋佢嘅泳裝件件都非常之養眼,原來女生識玩Wakesurfing都可以咁有型!

Tag:

Other Articles