梅根「大肚」?懷雙胞胎?大家期待英國首位非裔王子公主 | 旭茉JESSICA


Hot key words



主頁 / People / Gossip / 梅根「大肚」?懷雙胞胎?大家期待英國首位非裔王子公主

梅根「大肚」?懷雙胞胎?大家期待英國首位非裔王子公主

Judy Chu2018-09-16
其實群眾真係好鍾意為皇室操心,哈里王子同梅根婚後剛一個月,梅根懷孕的謠言便滿天飛,更話她懷了雙胞胎。有評論家分析,科學上嚟講這可能性很低,因為通常要在懷孕 13 週後照超聲波,才可以確定懷的是甚麼胎,即是話除非哈里王子同梅根結婚前 3 個月就有了 BB,當然,睇梅根著上婚紗的型態,不可能。而且,13 週大的 BB 應該有檸檬大小,如果是雙胞胎,即是梅根肚內有兩個檸檬,但月來見她一貫地 fit,出席活動又飲香檳,完全唔似有咗。
121
121
121
121
121
多月來傳媒都從梅根的服裝上捕風捉影,著得鬆啲又估佢有咗,月前美國八卦雜誌《In Touch》更驚爆梅根和凱特雙雙懷孕,據消息人士透露,兩妯娌會在差不多時間一同分娩,不久肯辛頓宮(Kensington Palace)即出來闢謠,「喜訊」變「誤會」。

相隔個多月,又傳梅根有喜,「證據」是在英格蘭 Ascot Races 皇家阿斯科特賽事上,梅根穿了條海藍色 Jason Wu 連身裙,見她「小腹隆起」,整個人散發容光煥發的孕味( 有說懷孕的女人頭髮和皮膚會特別靚),加上哈里王子輕掃她後背這個寵溺的動作,網上又開始瘋傳梅根有咗!網友留言:「恭賀」、「終於盼來哈里和梅根的第一個孩子」、「人人都希望她立刻懷孕」、「佢就嚟40仲唔生」……大家咁緊張,不僅因為梅根已屆高齡(剛過37歲生日),而且梅根與前夫從拍拖到結婚一齊 9 年,都冇孩子,確係好易令人諗多咗,同齡的凱特王妃都已生 3 胎了。當然,沒有肯辛頓宮的推特或臉書官方帳號公佈,這次「大肚」又是誤會,要怪就怪條裙和風囉。

雖然哈里王子於 2012 年接受訪問時便透露恨有細路,而梅根於 2015 年時也話過想生女,但是倆人接下來行程滿檔:10月將造訪澳洲、斐濟、東加王國及紐西蘭等大英國協成員國,又會到悉尼參與不屈不撓運動會(Invictus Games),如果有孕,搭長途機會唔舒服,也有流產風險,所以倆人很有可能等到完成「國家任務」後才努力造人。 睇近日梅根的多款私服造型中都冇見肚腩仔,想見混血小王子/小公主,大家畀啲耐性吧!

Photo: 網絡圖片

Other Articles