男人陪honey去旅行的功能 | 旭茉JESSICA


Hot key words



主頁 / Lifestyle / Relationship / 男人陪honey去旅行的功能

男人陪honey去旅行的功能

Joey Chen2017-06-30

你鍾意同honey去旅行嗎?情侶/夫妻去旅行可以共度浪漫時光,感覺好溫馨。不過,經常聽到身邊女性朋友抱怨和男友/老公去旅行時的不快經歷,例如「同佢行街成日摧我走!」、「叫佢影相就求其影!」講到總之同男人去旅行就只有掃興咁。事實上真係咁差咩?雖然男人未必個個鍾意shopping,同女人的興趣亦可能唔同,但男人陪女人去旅行其實都幾責任重大嘅。

男士們,你有冇做以下幾件事?
女士們,如果你honey有做到一半以上真係好好喇!

功能一、拎(重)嘢

無論係咪大隻男,男人幫女人拎嘢都係應有的風度。作為另一半,更加要幫你的女人拎住旅行戰利品,等佢可以輕鬆愉快繼續shopping!

功能二、排隊

男人唔鍾意shopping唔緊要,最重要係願意幫女人排定隊(無論試身室抑或付款處),咁就可以慳返好多時間,繼續去逛另一間店舖,盡早逛完的話,男人都可以快啲收工!

功能三、自動俾錢

有風度的男人,唔止係會幫女人排隊嘅,下一步當然係俾錢喇!無論係shopping買手信,抑或飲飲食食喎。即使你哋係AA制情侶,亦可以預先夾定錢,由男人保管,Shopping或食飯時女人可以盡情揀盡情食,男人俾錢又有面子!

功能四、影相

去旅行影相係指定動作,女人一定想留倩影做紀念。男人應該自動自覺幫你女人影相同selfie合照喇!即使你唔係攝影大師,亦起碼要識得基本的影相技巧,唔會out focus同埋一定要影得女人瘦啲呀!

功能五、陪食嘢

除了shopping,去旅行都要吃盡景黠的美食。但女人通常貪吃但又胃口細,加上要keep fit保持身形;呢個時候,男人就要出動負責清晒枱面的食物!

功能六、睇地圖

大部分人去旅行都選擇自助遊,尤其情侶更想二人世界。男人未必會出發前細心地plan行程,通常都由女人負責選景點,但抵達當地時,男人一定要識得睇地圖,負責帶路(或駕車),現時有google map就方便晒喇!

 

Photo︰網絡圖片