男人諗緊乜?10個他愛說的床前大話 | 旭茉JESSICA


Hot key words



主頁 / Lifestyle / Sex / 男人諗緊乜?10個他愛說的床前大話

男人諗緊乜?10個他愛說的床前大話

Lucy Lamb2017-07-25

對男人嚟講,如果講幾個無傷大雅嘅大話又可以氹得你開心,佢自已又開心,仲令到件「性」事更完滿嘅話,佢哋係樂此不疲的。


1. 好凍呀,不如上床攬住繼續傾天光 如果喺梳化傾傾吓,佢突然話凍並誠邀你去睡房攬住繼續傾嘅話,佢可能真係覺得凍,亦可能真係想攬住你繼續傾,但佢個心一定唔係諗住齋傾偈到天光囉!


2. 我平時好安全架 有得揀,男仔梗係想全程無阻隔正手反手抽擊自如啦,所以咪咁傻呀,呢句說話,佢同得你講,都可以同其他女仔講架。

3. 一個禮拜一次左右啦 好多女仔都想知男仔隔幾耐會打一次手槍,如果你得到嘅答案係一個禮拜一次或更少嘅話,佢一定係講大話。正常男人,可以對生活上好多小事產生「性」趣。打手搶密度大概係一日一次吧。

4. 套住我去唔到高潮哦 咪咁傻系列之二:純情嘅你可能會因為呢句說話,喺戰事中場解開對佢弟弟的束縛。實情係,隔住牛仔褲都可以挑動到佢嘅下半身,薄到得0.01mm嘅安全套,又點會阻隔到小弟弟敏感嘅神經吖!

5. 你的口技真的非常了得 要踢爆呢個善意大話,真係需要勇氣。如果佢懂得喺你用心吹奏嘅時候咁樣讚你嘅話,代表佢好關心你嘅感受。因為無論你幾畀心機吸吮都好,對佢嚟講,其實感覺都係 「ok la」架咋!

6. 可以只用眼球欣賞你嘅身體嗎 試過有男仔讚美你嘅身體好似一件藝術品咁靚,就算只係遠觀已經夠賞心悅目嗎?放心,雖然係花言巧語,但都係出自真心嘅,不過真心背後當然仲有目的啦。

7. 今晚有點down,陪我飲杯嘢好嗎? 能夠令佢由down 變up嘅方法,好似只得一個。好似係,除非唔係。

8. 我從來未試過失手架 其實狀態唔好時常有,但男人喺女人面前總係想有返啲尊嚴,尤其係傳統上擁有統治者角色嘅性事上,所以每次中途hold唔住或者軟咗嘅話,唯有用呢句大話遮一遮醜囉。

9. 不如入房睇電視 研究發現,如果房裡面有電視嘅話,情侶喺煲劇期間大戰嘅機會率,比起無電視嘅,高出幾倍。都係嗰句,如果佢開得口約你入房睇電視,其實已經心郁郁咗好耐喇。

10. 今晚我幫你沖涼咯 其實一齊沖涼係一件好浪漫嘅事,亦都係一個好好嘅foreplay,如果佢鍾意用呢個謊言邀請你共赴巫山嘅話,都抵畀佢呃嘅! Photo > Internet

Tag:

Other Articles