女生做主!5招化身床上神奇女俠 | 旭茉JESSICA


Hot key words



主頁 / Lifestyle / Sex / 女生做主!5招化身床上神奇女俠

女生做主!5招化身床上神奇女俠

Lucy Lamb2017-08-11

雖然話女仔生理結構天生難主導床戰,但世上無難事,Wonder Woman飛身過對面樓攞God Killer 嗰幕都差啲失手,但只要堅持唔放棄,總有一天會練成一身好武藝,而且女仔喺床上又唔使用劍嘅!
嗱嗱聲同伴侶開始練習呢幾招,女仔主攻型床上技巧,化身床上神奇女俠,唔單止可以令床戰更多趣味花臣,高潮率亦非常之高呀!
1. 經典Cowgirl
女上男下體位之中,cowgirl係最經典而且最容易操控,如果你平時死魚開嘅,可以由呢個體位開始入手。
主導床事除咗可以自己控制速度之外,仲有深度同角度,建議深淺交替嘅抽插方法,保證瞬間撻著妹妹。

2. 轉體半周 Cowgirl 當你掌握到cowgirl嘅技巧後,就可以開始玩少少花式喇。Cowgirl體位係正面相對嘅,試吓擰轉身來個轉體cowgirl,你除咗可以同樣地用快慢深淺操控高潮大事,仲可以向前傾或者向後瞓改變入射角,堅high!個人鍾意捉佢對手放喺腰間,增加親密感。

3. 坐享口福 口福從來都唔係男士專利,只要你同伴侶勇於表達同溝通。因為你坐喺佢塊面上,所以最好用牆或床頭板借力。你可以選擇完全唔郁任佢嘅舌頭舞動,當然亦可以細幅度移動身體,等佢品嘗妹妹嘅不同部分。唔好睇少呢一個體位呀,因為條脷暖暖地而且好柔軟,嗰種感覺好似去咗天堂咁架!

4. 磨髀雙重快感 女仔最正係有C點同G點雙重快感,如果cowgirl同轉體cowgirl都滿足唔到你嘅話,試吓由轉體cowgirl轉為夾住佢其中一隻髀,記得要佢曲膝,因為呢個斜度先可以同你嘅C點製造完美磨擦角度,而你亦可以用膝頭借力。想再撩人啲,一路打摏一路回望,冧架!

5. 面對面坐大髀 一般女上男下體位,兩個人之間的身體接觸都會比較少,如果你又想試吓做神奇女俠,但又想攬實佢仲可以面對面錫錫嘅話,呢個體位就啱晒你。叫伴侶坐喺床邊,你再坐大髀,記得攬實佢個頭,既可以借力,仲因為呢個角度,佢個頭會落喺你胸前,將佢個頭擁入懷中,係成個體位嘅精髓呀。 Photo Source: Women's Health